İran xüsusi xidmət orqanları "İslam Dövləti"nin iki liderini və 12 terrorçunu SAXLADI
![İran xüsusi xidmət orqanları "İslam Dövləti"nin iki liderini və 12 terrorçunu SAXLADI](https://sfera.az/photo/orginal/2024/07/24/1721818248_50ef945d-f7b2-33b7-87f1-5eced142c238_850.jpg)
Dünya
15:26 / 24.07.2024
2543
İranın Kəşfiyyat Nazirliyinin keçirdiyi əməliyyat nəticəsində 12 terrorçu, o cümlədən "İslam Dövləti"nin iki lideri və bir qrup radikal islamçı saxlanılıb.
Sfera.az TASS-a istinadən xəbər verir ki, bu barədə qurumun rəhbəri Esmail Xətib məlumat verib.
“Əməliyyat zamanı 20-yə yaxın qanunsuz miqrant, o cümlədən “İslam Dövləti” və təkfirçi qruplaşmanın lideri olan iki nəfər müəyyən edilərək saxlanılıb”, - ISNA agentliyi onun sözlərini sitat gətirib.
E.Xətib qeyd edib ki, bu 20 nəfərdən ən azı 12-si ölkə daxilində terror aktları həyata keçirmək üçün hazırlanmış casuslardır. Qurum rəhbəri əlavə edib ki, iki terrorçu liderin İranla həmsərhəd olmayan ölkələrlə əlaqələri olub. Saxlanılan şəxslərin kimliyi ilə bağlı məlumat verilməyib.