Madonnanın oğlu səhv anlaşıldığını deyir
![Madonnanın oğlu səhv anlaşıldığını deyir](https://sfera.az/photo/orginal/2024/07/23/1721763748_mad1.jpg)
Pop ikonası Madonnanın övladlığa götürdüyü 18 yaşlı oğlu Devid Banda bir müddət əvvəl yeməyə kifayət qədər pulunun olmadığı açıqlamaları ilə çıxış etmişdi. Bu onun izləyicilərini narahat edib.
Sfera.az bildirir ki, vəziyyət o yerə çatıb ki, Devid insanları hər şeyin onların düşündükləri qədər pis olmadığına inandırmağa çalışır. Oğlan bu barədə İnstaqram hekayəsində paylaşım edib.
O, pərəstişkarlarını hər şeyin onların düşündükləri qədər qorxulu olmadığına inandırıb.
“Narahat olanlar üçün deyim ki, anam mənə çox dəstək olur. O, həmişə mənə dəstək olub. Həyatımda çox xoşbəxtəm və küçələrdə ac yaşamıram! Xahiş edirəm narahat olmayın, hər şey yaxşıdır".
Devid bildirib ki, anasının dəbdəbəli mənzilindən köçməsi, Bronksda təvazökar bir həyat sürməsi, gitara dərsləri öyrədərək pul qazanmasının onun seçimi olduğunu bildirib.
"Mən bunu sevirəm. Tək deyiləm, sevgilim var. Mən deməmişəm anam məndən imtina edib. Bu həyat mənim xoşuma gəlir. İşdən imkan tapa bilməyib, gözünü açıb artıq axşam saat doqquz olduğunu görmək, hələ də ac olduğunu və cibində az pul olduğunu bilmək çox xoşdur. Yemək almaq üçün, yaşamaq üçün qazanmaq, gənc olmaq çox gözəldir”.
Devid sadəcə başqalarına gitara çalmağı öyrətmir. May ayında Rio-de-Janeyroda pulsuz konsertlə başa çatan “Celebration Tour”da anası Madonnanı da müşayiət edib.
Qeyd edək ki, Madonnanın Devidlə xüsusilə bağı var. Hələ 2022-ci ildə müğənni Devidlə lovğalanırdı.
O, şouda Cimmi Fallona "Bilirsiniz də, Devid də musiqi ilə məşğul olur. O, sizin qonaqlarınızdan biri olacaq".
Yumor və atletika də daxil olmaqla bəzi istedadlarını sadaladıqdan sonra Madonna oğlunun modaya olan münasibətindən də danışıb:
"O, istənilən paltarı geyinsin, qəşəng görünəcək. İnanın, paxıllığım tutur. Bu, bəzən bezdirici olur. O, mənim paltarlarımı geyinəndə belə məndən daha gözəl görünür".
2019-cu ildə Britaniyanın “Vogue” jurnalına danışan Madonna Devidin ona daha yaxın olduğunu da bildirib.
"Devidin mənim bioloji övladlarımdan daha çox mənim DNT-mə sahib olduğunu hiss edirəm" - deyə Madonna bildirib.
Aysel
Sfera.az