İtaliyada Lvovdan olan 33 yaşlı ukraynalı qadın Marta-Mariya Ohryzkonun meyiti uçurumun dibində tapılıb. O, daim onu ​​ələ salan rusiyalı sevgilisi ilə birlikdə yaşadığı treylerin yanında uzanmış vəziyyətdə aşkarlanıb.

 

Sfera.az bildirir ki,Marta-Mariya Oqrızko 2 metrlik qayadan yıxılaraq ən azı 6 saat yerdə qalıb. Polis onun 41 yaşlı rusiyalı sevgilisi İlya B-ni saxlayıb. O, ukraynalı qadını sistematik şəkildə təhqir etməkdə ittiham olunur. Ukraynalı qadının bədənində çoxsaylı döyülmə izləri aşkar edilib.

Marta-Mariya Oqrızko 2 metrlik qayadan yıxılaraq ən azı 6 saat yerdə uzanıb. Bu zaman o, yoldaşına məktub yazıb, ԜhaѕApp vasitəsilə ondan kömək istəyib. Lakin kişi qadının kömək istəyinə məhəl qoymayıb və o, ölüb.


41 yaşlı kişinin istifadə etdiyi mobil telefona baxış zamanı məlum olub ki, qadın iyulun 13-ü şənbə günü günortadan sonra yoldaşına bir sıra zənglər və mesajlar göndərib. Mesaj və zənglər birlikdə yaşadıqları yerdən bir qədər aralıda yıxılan qadının ümidsiz köməyə çağırışları olub. Dəfələrlə kömək istəməsinə baxmayaraq, şübhəli şəxs qadını xilas etmək üçün tədbir görməyib.
 

O, həbs edildikdən sonra məhkəmədə bildirib ki, iyulun 14-nə keçən gecə sevgilisinin axtarışına çıxıb və onu otların arasında hələ də sağ görüb. İddiaya görə o, qadına “gecəni burada yatmalı olacaqsan” deyib.
 

Mərhumun yaxınları rusiyalının onu bıçaqla hədələdiyini, yumruq və sifətinə vurduğunu və bədənində qançır izləri olduğunu iddia edir. Ukraynalı olduğuna görə ailə üzvlərinə nifrət edən kişi onu ailəsindən təcrid edib.


Qadın bir neçə dəfə təcili yardım şöbəsinin həkimlərinin qəbulunda da olub.

Aynil

Sfera.az