Almaniyada Şolzun partiyasının qərargahı ATƏŞƏ TUTULDU
![Almaniyada Şolzun partiyasının qərargahı ATƏŞƏ TUTULDU](https://sfera.az/photo/orginal/2024/07/04/1720111800_olaf-solz.jpg)
Saksoniyada ştat seçkilərinin keçirilməsinə bir neçə həftə qalmış naməlum şəxslər Almaniya Sosial Demokrat Partiyasının Drezdendəki qərargahını atəşə tutublar.
Sfera.az xəbər verir ki, bu barədə “Bild” qəzeti polisin sözçüsü Karsten Yagerə istinadən məlumat yayıb.
“İstintaqın nəticələrinə görə, zərər odlu silahla vurulmuş ola bilərdi. Lakin güllələrin özləri hələ tapılmayıb”, - Yeqer bildirib.
Almaniya kansleri Olaf Şolzun rəhbərlik etdiyi Sosial Demokratların ofisi Saksoniyada, köhnə Drezden şəhərində yerləşir, bina Elba çayı üzərində yerli parlamentin yanındadır.
Polis iyunun sonunda üçüncü mərtəbənin pəncərələrində güllə dəlikləri aşkar edib, lakin bu, yalnız indi açıqlanıb. Müayinədən sonra məlum olub ki, şüşədəki dəliklər təxminən beş millimetr kalibrə uyğun gəlir. Hadisənin təhqiqatını Almaniya Dövlət Təhlükəsizlik Xidməti öz üzərinə götürüb.
İnci