218 Fransa siyasətçisi seçkilərdən İMTİNA ETDİ

218 fransalı siyasətçi sağçı Milli Ralli partiyasının daha güclü rəqiblərinə görə meydanı təmizləmək üçün seçki yarışını tərk edib. 

Sfera.az xəbər verir ki, bu barədə "Le Monde" yazıb.

Namizədliklərini geri götürən siyasətçilərin əksəriyyəti - 130-u solçu, 82-si isə mərkəzçi partiyalardan namizədliyini irəli sürüb. Beş sağçı namizəd də yarışı tərk edib.

İyulun 2-si saat 18:00-a qədər partiyalar ikinci turda namizədlərin yekun siyahılarını təqdim etməli idilər.

Bundan əvvəl “Le Parisien” qəzeti Fransa Daxili İşlər Nazirliyinin məlumatlarına istinadən yazıb ki, “Milli Ralli" partiyası və onun müttəfiqləri Fransada keçirilən parlament seçkilərinin birinci turunda 33,4 faiz səs toplayaraq qalib gəlib. Solçu Yeni Xalq Cəbhəsi koalisiyası 27,98% səslə ikinci, prezident Emmanuel Makronun koalisiyası isə 20,76% səslə üçüncü olub.

İnci