Türkiyənin daxili işlər naziri Əli Yerlikaya "X" sosial şəbəkədə yazıb ki, polis Türkiyənin cənubundakı Kayseri vilayətində baş verən iğtişaşlardan sonra 474 nəfəri saxlayıb.

Sfera.az xəbər verir ki, Kayseri hadisəsindən sonra Türkiyənin bəzi şəhərlərində suriyalılara qarşı etirazların təşkil edildiyi bildirilib.

“Qanunsuz vasitələrlə həyata keçirilən təxribat xarakterli hərəkətlərdən sonra 474 nəfər saxlanılıb”, - deyə nazir yazıb.

Yerlikayanın sözlərinə görə, saxlanılanlar arasında 285 nəfər müxtəlif cinayətlərə görə məhkum olunub. O, həmçinin sakinləri təmkinli aparmağa, təxribatlara boyun əyməməyə çağırıb.

İyunun 30-da Türkiyənin bir sıra şəhərlərində - xüsusilə Kayseri, Hatay, Qaziantepdə suriyalı qaçqının uşağa hücumu ilə bağlı xəbərlərə səbəb olaraq yerli əhalinin böyük etiraz və mitinqləri keçirilib. 

İnci