Fransa DİN seçkilər zamanı təhlükəsizlik riskləri barədə XƏBƏRDARLIQ ETDİ
![Fransa DİN seçkilər zamanı təhlükəsizlik riskləri barədə XƏBƏRDARLIQ ETDİ](https://sfera.az/photo/orginal/2024/06/27/1719497011_img_3770.jpeg)
Fransa Daxili İşlər Nazirliyi Milli Assambleyaya (parlamentin aşağı palatası) növbədənkənar seçkilər zamanı təhlükəsizlik riskləri, xüsusən də terror təhlükəsi barədə xəbərdarlıq edib.
Sfera.az TASS-a istinadən xəbər verir ki, bu barədə BFMTV kanalı məlumat yayıb.
Qeyd edilib ki, səsvermə çoxsaylı təhlükəsizlik təhdidləri fonunda keçiriləcək və terror hücumları təhlükəsi son dərəcə yüksək olaraq qalır. Hüquq-mühafizə orqanları sosial şəbəkələrdə kiberhücumların və məlumatların manipulyasiyasının ola biləcəyini güman edir.
Xatırladaq ki, iyunun 9-da Fransa Prezidenti Emmanuel Makron Avropa Parlamentinə keçirilən seçkilərdə məğlubiyyət fonunda Milli Assambleyanı buraxmaq qərarına gəlib. Növbədənkənar parlament seçkilərində səsvermənin birinci turu iyunun 30-da, ikinci turu isə iyulun 7-də keçiriləcək.