ABŞ Gürcüstanı NATO sammitinə DƏVƏT ETDİ
Dünya
23:37 / 24.06.2024
3353
Vaşinqton Gürcüstanı Şimali Atlantika Müqaviləsi Təşkilatının (NATO) sammitində iştirak etməyə dəvət edib.
Sfera.az “TASS”a istinadən xəbər verir ki, bunu ABŞ dövlət katibinin Avropa və Avrasiya məsələləri üzrə köməkçisi Ceyms O`Brayen deyib.
“Bütün NATO tərəfdaşları tərəfdaşlar sammitində iştirak etməyə dəvət olunur. Onlar da”, – diplomat jurnalistlər üçün keçirdiyi brifinqdə qeyd edib.
Ceyms O`Brayenin sözlərinə görə, Amerika hakimiyyəti hakim “Gürcü Arzusu-Demokratik Gürcüstan” partiyasının “hazırda getdikcə çox az sayda liderdən qaynaqlanan qərarları və ritorikasından çox narahatdır”. O bildirib ki, Tbilisinin hərəkətləri ölkənin Aİ və NATO-ya üzv olmaq istəklərinə ziddir.
Qeyd edək ki, sammit iyulun 9-dan 11-dək baş tutacaq.