Ukrayna Prezidenti Volodimir Zelenski iyunun 27-də Brüsseldə keçiriləcək Avropa Şurasının sammitinin birinci günündə iştirak edəcək.

Sfera.az xəbər verir ki, bu barədə “Politico” nəşri Avropa İttifaqı (Aİ) nümayəndəsinə istinadən məlumat yayıb.

Nəşrin məlumatına görə, səfər Ukrayna ilə bağlı bir sıra Avropa təşəbbüsləri, o cümlədən iyunun 25-nə planlaşdırılan Aİ-yə daxil olmaq üzrə danışıqların rəsmi başlanması ilə bağlıdır.