Tibbdə misligörünməmiş hadisə: Ürəyi 19 saat dayandıqdan sonra...

Tibbdə misligörünməmiş hadisə: Ürəyi 19 saat dayandıqdan sonra...

Keçən ay ürəyi 19 saat dayanan 4 yaşlı uşağın ailəsi onunla son dəfə vidalaşmaq üçün Kolorado Uşaq Xəstəxanasına toplaşıb. Ancaq misligörünməmiş möcüzə baş verib. 


Sfera.az bildirir ki, həkimlər valideynlərə Cartier McDanielin sağ qalma ehtimalının olmadığını deyiblər. 


Destiny Anderson və Dominic McDaniel isə Tanrının onların dualarını eşitdiyini düşünür. Çünki xəstəxanada heç bir həkim oğlanlarının başına gələnləri başqa cür izah edə bilmir.


Həkimlər valideynlərə aparat dəstəyinin ürək döyüntüsüz mümkün olmadığını dedikdən sonra ailə gözləmə otağında yatıb və dualar edib. Bundan əvvəl uşağın ürəyini işə salmaq üçün edilən bütün cəhdlər uğursuz olub.

 

"Həyatımın ən qorxulu anı idi. Nəinki xəstəxana otağı bütün dünya başıma fırlanırdı. Mən titrəyirdim. Bunun baş verdiyinə inana bilmirdim"- Anderson deyir.


Ancaq tibbi möcüzə baş verib. Onların kiçik oğlunun ürəyi dayandıqdan 19 saat sonra yenidən öz-özünə işləməyə başlayıb. Həkimlər valideynlərə Cartierin ürəyinin niyə yenidən döyünməyə başladığı ilə bağlı heç bir elmi və tibbi izahatları olmadığını bildiriblər. Atanın dediyinə görə, Allah onların dualarını eşidib.

 

Cartierin çətin sınaqları aprelin 8-də qızdırma ilə başlayıb. Uşağın anası bunun adi soyuqdəymə olduğunu və tezliklə keçəcəyini düşünsə də, ertəsi gün vəziyyət pisləşib. Oğlunun əl-ayağı soyuyub, ağzı göyərib. Uşaq tərləməyə başlayıb, gözlərinin ətrafında qara dairələr əmələ gəlib, nəfəs alması çətinləşib.


Həmin gün çoxlu su içən uşaq yataqda qalıb. Bu anaya qəribə gəlib, çünki uşaq adətən aktiv və hər şeylə maraqlanan uşaqdır. Narahat olan ana Kolorado Uşaq Xəstəxanasına zəng edib, burada simptomları öyrəndikdən sonra dərhal klinikaya getməyi tövsiyə ediblər.

 

Şəkərli diabet kimi vəziyyətlər üçün test edilərkən, Cartierin gözləri başının arxasına çevrilib və həkimlər nəbzi tapa bilməyiblər.  Ürəyi dayanan uşağa süni tənəffüs etməyə başlasalar da, heç bir faydası olmayıb.

 

Təcili yardım həkimləri oğlana A qrupunun streptokokunun yaratdığı infeksiya diaqnozu qoyublar. Tibb işçiləri balaca xəstəni özünə qaytarmaq üçün 30 dəqiqə çalışsalar da, heç nə alınmayıb. Cartier daha sonra reanimasiya şöbəsinə köçürülüb. Həkimlər ailəyə Cartierin sağ qalma ehtimalının olmadığını bildiriblər.


Lakin axşam saatlarında bütün ailə uşaqla vidalaşmaq üçün xəstəxanaya toplaşanda onun ürəyi yenidən döyünməyə başlayıb.

 

Oğlan dializdə qalır, tənəffüs borularından istifadə edir. İnfeksiya dərisini məhv etdikdən sonra ona bir neçə dəri transplantasiyası edilib. Valideynlərinin dediyinə görə, uşağın konkret xəstəxanadan hansı gün çıxarılacağını onlara deməyiblər. Uşağın anası onu daha əvvəl xəstəxanaya aparmadığına görə özünü günahlandırdığını da əlavə edib.

 

Aysel

Sfera.az


OXŞAR XƏBƏRLƏR

Alimlər ilk görüşdə qadın və kişilərin əsas səhvlərini açıqlayıblar

Polşa və ABŞ-dən olan beynəlxalq alimlər qrupu kişi və qadınların ilk görüşlərdə özləri haqqında danışarkən (özünü təqdimat) buraxdıqları əsas səhvləri müəyyən ...

Borc içində batan işçi 100 min dollar dəyərində almaz tapıb - FOTO

40 yaşlı Raju Qond istənilən işlə məşğul olsa da, illərlə yoxsulluqdan qurtula bilməyib. Lakin o, təxminən 100 min dollar dəyərində 19,22 karatlıq almaz tapdıqd...

Tarixdəki ən böyük kütləvi qəza: 146 delfin

Okean Yer səthinin böyük hissəsini əhatə edir və bir çox nadir heyvan növlərinə ev sahibliyi edir. Təəssüf ki, alimlər hər il məməlilərin özlərini kütləvi sahil...

Həkimlər sağlam yuxunun sirrini açıblar

Bir insanın maksimum məşğulluğu sağlamlıq və sağlam yuxuya kömək edir.   Sfera.az xəbər verir ki, bunu pediatr Piroqova Alexander bildirib.   ...

Sabah bu ərazilərdə işıq olmayacaq

Cənub regional enerji təchizatı və satışı idarəsinə (RETSİ) daxil olan rayonların elektrik şəbəkələrində şənbə günü iməclik işlərinin keçirilməsi ilə əlaqədar s...

Aygün Kazımovanın adından dələduzluq -Saxta bilet satırlar

Xalq artisti Aygün Kazımovanın adından dələduzluq edilib.    Sfera.az xəbər verir ki, TikTok-da "Fərişş_Ticket" adlı səhifə Pop kraliç...