Pakistanda təbii fəlakət nəticəsində həyatını itirənlərin sayı 39-a ÇATDI
Pakistanın cənub-qərb əyalətlərində son 3 gündə yağan güclü yağış və ildırım çaxması nəticəsində həyatını itirənlərin sayının 39-a yüksəldiyi bildirilib.
Sfera.az "Dawn" saytına istinadən xəbər verir ki, Pəncab, Bəlucistan və Hayber Pantunxva əyalətlərində 3 gündür davam edən güclü yağış və ildırım çaxmaları nəticəsində həyatını itirənlərin əksəriyyətini buğda biçini zamanı ildırım vuran fermerlər təşkil edib.
Baş nazir Şahbaz Şərif rəsmilərə yağışlardan zərər çəkmiş ərazilərə təcili yardımın çatdırılmasını tapşırdığını bildirib. Yağışların yaratdığı daşqınlarda çoxlu ev zərər görüb, infrastruktura da ciddi ziyan dəyib.
Xatırladaq ki, Pakistanda 2022-ci ildə ölkənin üçdə birini əhatə edən daşqınlar nəticəsində 2 minə yaxın insan həyatını itirib və ölkə iqtisadiyyatına təxminən 30 milyard dollar ziyan dəyib.
Əzizə
