Rusiya Ukraynanı köhnə qanadlı raketlərlə vurub - Britaniya kəşfiyyatı
Rusiya Ukrayna ərazisinə təyyarədaşıyan gəmiləri məhv etmək üçün iki ayda onlarla raket buraxıb.
Sfera.az UNİAN-a istinadən bildirir ki, bu barədə Britaniya kəşfiyyatı məlumat verib.
Bildirilir ki, Rusiya Ukrayna ərazisini 1960-cı illərin sonu və 1970-ci illərin əvvəllərində istifadəyə verilmiş və aviadaşıyıcılara qarşı istifadə üçün hazırlanmış Sovet “Kh-22 Burya” qanadlı raketləri ilə vurub.
Böyük Britaniya kəşfiyyatın;n daha bir məlumatına görə, Rusiya Federasiyası apreldən bu yana Ukraynaya qarşı onlarla belə köhnə raketlərdən istifadə edib.
Analitiklər hesab edir ki, Rusiyanın Ukrayna ilə müharibədə “Kh-22 Burya”dan istifadəsi normaldır, çünki onun müasir və daha dəqiq döyüş sursatları tükənmək üzrədir.
Kəşfiyyat onu da əlavə edib ki, “Kh-22” qanadlı raketlər yerüstü hədəflər əleyhinə çox aşağı dəqiqliyə malikdir, buna görə də mülki əhali arasında çoxlu itkilər ola bilər.