Cəmiyyət

Zəngilan istiqamətində kiçik sərhəd hadisəsi baş verib. Sfera.az “Caliber”ə istinadən xəbər verir ki, üç erməni silahlısı göstərilən istiqamətdə postlarımızdan birinə hücum edib. Sərhədçilərimizin xəbərdarlıq atəşindən sonra onlar mövqeyimizi atəşə tutublar. Azərbaycan Dövlət Sərhəd Xidmətinin bölmələrinin cavab atəşi nəticəsində hücum edənlərdən biri yaralanıb. Erməni tərəfi hərbi kanallar vasitəsilə hadisəyə görə üzr istəyib, həmin şəxslərin sərxoş vəziyyətdə olduğunu və belə bir hadisənin

Ermənistanın təxribatı nəticəsində şərti sərhəddə baş vermiş son qarşıdurmada yaralanan şəxslərin və şəhid ailələrinin sosial ödənişlərinin təyin olunacağı vaxt açıqlanıb. Bu barədə əmək və əhalinin sosial müdafiəsi naziri Sahil Babayev Real TV-yə verdiyi müsahibəsi zamanı məlumat verib. "Sentyabr ayının sonunadək müavinət, təqaüd və bir sıra sosial ödənişlər tam təyin olunacaq”, - deyə nazir bildirilib.

Azərbaycanın Birinci vitse-prezidenti Mehriban Əliyeva rəsmi instaqram səhifəsində Laçın şəhəri ilə bağlı paylaşım edib. Sfera.az xəbər verir ki, "Ay Laçın, Can Laçın. 21.09.2022" sözləri qeyd olunan paylaşımda Prezident İlham Əliyevin şəhərlə tanışlığı görüntülənib.

"Bəzi sosial şəbəkə hesablarında guya Azərbaycan Ordusunun mövqelərinin atəşə tutulması barədə əsassız məlumatlar paylaşılır. Bu məlumatları qəti surətdə təkzib edirik". Sfera.az xəbər verir ki, bu barədə Müdafiə Nazirliyi məlumat yayıb. "Vətəndaşlarımızı bu cür yalan məlumatlara aldanmamağa və rəsmi təsdiqini tapmayan məlumatları paylaşmamağa çağırırıq", - məlumatda deyilir.

"Sentyabrın 23-nə kimi havada ciddi dəyişikliklər gözlənilmir, cənub-şərq küləyi üstünlük təşkil edəcək, lakin sentyabrın 24-dən başlayaraq hava dəyişəcək". Bunu Sfera.az- a Milli Hidrometeorologiya Xidmətinin rəisi Umayra Tağıyeva bildirib. “Cənubda yerləşən ölkəmiz isti günəşli günlərin çox olması ilə səciyyələnir. Hətta bu günlərdə bölgələrdə 38, paytaxtda isə 33 dərəcə istinin qeydə alınması sentyabr ayı üçün qeyri-adi hadisə deyil”, - Xidmət rəisi deyib. U.Tağıyeva qeyd edib ki, insanın

Baş Prokurorluq Yevlaxda məktəblinin polis tərəfindən döyülməsinə münasibət bildirib. Sfera.az xəbər verir ki, açıqlamada deyilir: “Yevlax şəhəri S.Əliyev adına 1 saylı tam orta məktəbin 4-cü sinif şagirdi Emil Əliyevə (şərti ad və soyad) Yevlax RPŞ-nin təhqiqatçısı, polis kapitanı Vüsal Hüseynov tərəfindən xidmətdən kənar vaxtda fiziki zorakılıq hərəkətlərinin edilməsi faktı ilə bağlı Yevlax rayon prokurorluğunda araşdırma başlanılıb”.

Xəbər verdiyimiz kimi, bu gün Binəqədi Rayon Məhkəməsində Əvəz Zeynallının ev dustaqlığına buraxılması ilə bağlı vəsatət təmin edilməyib. Sfera.az xəbər verir ki, məhkəmə zamanı məlum olub ki, Əvəz Zeynallıya qarşı yeni ittiham irəli sürülüb. Sentyabrın 10-da Cinayət Məcəlləsinin 311.3.3 (külli miqdarda rüşvət alma) maddəsilə ittiham edilərək həbs olunan jurnalist bu dəfə məcəllənin 312-1 (Vəzifəli şəxsin qərarına qanunsuz təsir göstərmə - nüfuz alveri) maddəsilə təqsirli bilinib. Onun vəkili

Şuşa Şəhəri Dövlət Qoruğu İdarəsi və Ərzurum Böyükşəhər Bələdiyyəsi arasında iki dost və qardaş ölkə kimi strateji tərəfdaşlıq münasibətlərinin mövcud olduğunu nəzərə alaraq qardaşlaşmış şəhərlər haqqında protokol imzalanıb. Bu barədə Sfera.az-a Şuşa Şəhəri Dövlət Qoruğu İdarəsindən bildirilib. Protokol qardaşlaşmış şəhərlər arasında mədəni, sosial və iqtisadi münasibətləri, həmçinin dostluq və qardaşlıq əlaqələrini təşviq etmək və birgə fəaliyyət sahələrini genişləndirməyi əsas tutur. Tərəflər

Biz şəhidlərimizin canı, qanı bahasına, qəhrəman əsgər və zabitlərimizin fədakarlığı sayəsində bu gün bu torpaqlardayıq. Sfera.az xəbər verir ki, bu barədə Azərbaycan Prezidenti İlham Əliyev Laçın şəhərində Azərbaycan Bayrağını ucaldarkən çıxışı zamanı deyib. "Heç kim bu torpaqları bizə bağışlamayıb, heç kim bu torpaqları bizə danışıqlar yolu ilə qaytarmayıb. Beynəlxalq təşkilatlar, o cümlədən BMT, onun Təhlükəsizlik Şurası, ATƏT işğalçı dövləti məcbur edib buradan çıxarmalı idi. Ermənistana

Biz ta Murov dağından Araz çayına qədər Azərbaycan-Ermənistan sərhədində əlverişli mövqelərdəyik. Sfera.az xəbər verir ki, bu barədə Azərbaycan Prezidenti İlham Əliyev Laçın şəhərində Azərbaycan Bayrağını ucaldarkən çıxışı zamanı deyib. "Son aylar ərzində dəfələrlə bizə qarşı hərbi təxribatlar törədilirdi. Təkcə Laçın rayonu ərazisində 1400-dən çox yeni mina döşənmişdir və bu minalar 2021-ci ildə basdırılmışdır, yəni, müharibədən sonra. Bu, Azərbaycana qarşı açıq terror hərəkətidir. Müharibədən

Ümid edirəm ki, laçınlıların birinci qrupu Laçın şəhərinə gələn ilin sonuna qədər qayıda bilərlər. Sfera.az xəbər verir ki, bu barədə Azərbaycan Prezidenti İlham Əliyev Laçın şəhərində Azərbaycan Bayrağını ucaldarkən çıxışı zamanı deyib. "Bu gün Murov dağından buraya gələrkən, bu gözəl dağlara baxarkən bir daha görürəm ki, bizim Vətənimiz nə qədər gözəldir. Murov dağından, bax, Laçın şəhərinə qədər 12 tunel tikilir, təsəvvür edin, təkcə bu istiqamətdə. Mən hələ Füzuli-Şuşa istiqamətini, digər

Azərbaycan Respublikasının Prezidenti İlham Əliyev sentyabrın 21-də Laçın şəhərində Azərbaycan Bayrağını ucaldıb. Sfera.az xəbər verir ki, dövlətimizin başçısı çıxış edib: - Qırx dörd günlük Vətən müharibəsinin sonunda Ermənistan kapitulyasiya aktına imza atmağa məcbur oldu və beləliklə, Azərbaycanın tarixi Zəfəri təsdiqləndi. Bu kapitulyasiya aktının nəticəsində Ermənistan Ağdam, Kəlbəcər və Laçın rayonlarının işğal edilmiş hissəsindən öz qoşunlarını çıxarmalı idi və buna əməl etdi. Laçın və

Yevlax rayonunda azyaşlının polis tərəfindən döyülməsi iddiası araşdırılır. Bu barədə Sfera.az-a Daxili İşlər Nazirliyinin Mətbuat xidmətindən məlumat verilib. Qeyd olunub ki, Yevlax rayonunda yaşayan bir nəfər Rayon Polis Şöbəsinə müraciət edərək azyaşlı oğlunun sinif yoldaşı tərəfindən döyülməsi barədə müraciət edib: "Rayon sakini olan qarşı tərəf də azyaşlı övladının həmin uşağın polis əməkdaşı olan valideyni tərəfindən döyülməsi barədə müraciət edib. Qeyd edilən müraciətlərlə əlaqədar

Məhkəmə Əvəz Zeynallının vəkili tərəfindən verilmiş vəsatətə baxıb. Onun ev dustaqlığına buraxılması ilə bağlı vəsatət təmin edilməyib. Ə.Zeynallı barəsindəki həbs qətimkan tədbiri dəyişdirilmədən saxlanılıb. Qeyd edək ki, Əvəz Zeynallı “Baku Steel Company” şirkətinin sabiq rəhbəri, hazırda Bakı Ağır Cinayətlər Məhkəməsində cinayət işinə baxılan Rasim Məmmədov haqqında təhqiredici məlumatlar yaymamaq, eləcə də barəsində müsbət imic formalaşdırmaq üçün müvafiq verilişlər hazırlamağı vəd edərək

Azərbaycan Respublikasının Prezidenti İlham Əliyevin tapşırığına əsasən, Qarabağ və Şərqi Zəngəzur iqtisadi rayonları ərazisində icra olunan mühüm əhəmiyyətə malik yol infrastrukturu layihələrindən biri 82 km uzunluğa malik Toğanalı-Kəlbəcər-İstisu avtomobil yoludur. Sfera.az xəbər verir ki, Göygöl və Kəlbəcər rayonlarını birləşdirən avtomobil yolunun layihə uzunluğu Toğanalı-Kəlbəcər 56 km, Kəlbəcər-İstisu 26 km təşkil edir. Toğanalı-Kəlbəcər layihənin 16-cı km-lik hissəsindən Murovdağ

Paytaxtın Xətai rayonunda bina sökülür. Sfera.az xəbər verir ki, söhbət Yusif Səfərov və Afiyəddin Cəlilov küçələrinin kəsişməsində yerləşən 11 mərtəbəli binadan gedir. Məsələ ilə bağlı Trend-ə açıqlama verən Xətai Rayon İcra Hakimiyyətinin şöbə müdiri Pənah İmanov bildirib ki, bina sakinləri köçürülüb və konpensasiya ödənilib. Şöbə müdiri əlavə edib ki, köçürülən bina sakinlərindən bəziləri verilən kompensasiya ilə razı deyillər. "Biz də kompensasiyadan narazı qalan sakinlərə bildirmişik ki,

Yevlaxda polis 4-cü sinif şagirdinə xəsarət yetirib. Sfera.az xəbər verir ki, hadisə Yevlax şəhərində Sahib Əliyev adına 1 saylı orta məktəbdə baş verib. Belə ki, həmin məktəbin 4-cü sinif şagirdi olan oğlu Cavidin sinif yodaşı 2013-cü il təvəllüdlü Tunar Anar oğlu Kamranlı ilə dalaşıb. Zərərçəkənin anası Rəqsanə Əliyevanın "Unikal"a verdiyi məlumata görə, Yevlax şəhər Polis şöbəsinin təhqiqatçısı Vüsal Hüseynov övladına boğazından xəsarət yetirib, başını yazı taxtasına, partaya və döşəməyə

Xəbər verildiyi kimi, işğaldan azad edilmiş Ağdam şəhərində Baş Prokurorluğun rəhbərliyinin, Qarabağ iqtisadi rayonuna daxil olan işğaldan azad edilmiş ərazilərdə Azərbaycan Respublikası Prezidentinin xüsusi nümayəndəsi Emin Hüseynovun və işğaldan azad edilmiş ərazilərdə fəaliyyət göstərən tabe rayon və ərazi hərbi prokurorlarının iştirakı ilə əməliyyat müşavirəsi keçirilib. Sfera.az xəbər verir ki, tədbirdən öncə müşavirə iştirakçıları xalqımızın Ümummilli Lideri Heydər Əliyevin büstü önünə

Qarabağ Dirçəliş Fonduna PR və kommunikasiya üzrə koordinator, mətbuat katibi təyin olunub. Bu barədə Sfera.az -a Fonddan məlumat verilib. Qeyd olunub ki, bu vəzifəyə Babək Cahandarov təyinat alıb. Xatırladaq ki, daha əvvəl qurumun mətbuat katibi vəzifəsini Pərvin Məmmədova icra edib. O, hazırda fəaliyyətini fondun Fandreyzinq və Kommunikasiya şöbəsinin müdiri vəzifəsində davam etdirir.

Bakının Nizami Rayon Polis İdarəsində yeni təyinat olub. Sfera.az xəbər verir ki, "Unikal"ın əldə etdiyi məlumata görə, bununla bağlı daxili işlər naziri, general-polkovnik Vilayət Eyvazov əmr imzalayıb. Əmrə əsasən, polis polkovnik-leytenantı Emil Comərdov Nizami Rayon Polis İdarəsinin xidmət üzrə rəis müavini təyin olunub. Qeyd edək ki, o, bu təyinatadək Çevik Polis Alayında xidmət edib. Xatırladaq ki, bir müddət əvvəl Daxili İşlər Nazirliyi tərəfindən Nizami RPİ-də xidməti yoxlama aparılıb.

Milli Məclisdə atalıq məzuniyyətinin ödənişli olması ilə bağlı ictimai dinləmə keçiriləcək. Sfera.az xəbər verir ki, bu barədə Milli Məclisin Ailə, qadın və uşaq məsələləri komitəsinin sədri Hicran Hüseynova bu gün komitənin payız sessiyasında keçirilən ilk iclasında deyib. Onun sözlərinə görə, payız sessiyasında komitə atalıq məzuniyyətinin ödənişli olması və eləcə də qanunvericilikdə gender bərabərliyinə əsaslanan valideyn məzuniyyətinin təsbit edilməsi, “Azərbaycanda uşaq hüquqlarının

Sosial şəbəkə seqmentlərində “şəhid bacısı” adı altında feyk profillər vasitəsilə vətəndaşlardan onlayn pul toplayan şəxs müəyyən olunub. Bu barədə Sfera.az -a Daxili İşlər Nazirliyinin (DİN) Mətbuat Xidmətindən məlumat verilib. Bildirilib ki, polis əməkdaşlarının keçirdiyi tədbirlərlə 2000-ci il təvəllüdlü Elşad Quliyev saxlanılaraq məsuliyyətə cəlb edilib. O törətdiyi əməli etiraf edib. Araşdırmalar davam etdirilir.

“Sosial yardım insanları xarab edib”. Sfera.az xəbər verir ki, bunu Milli Məclisin Ailə, qadın və uşaq məsələləri komitəsinin bu gün keçirilən iclasında komitə sədri Hicran Hüseynova deyib. Parlamentin komitə sədri bildirib ki, insanlar işləmək istəmirlər: “Müraciət edir ki, mənə yardım düzəldin. Mən onlara iş deyirəm, amma insanlar balaca da olsa, o yardımı almağa üstünlük verir. Belə olmaz” (apa).

Mingəçevirdə 31 yaşlı Ramin Mahmudov itkin düşüb. Bu barədə Sfera.az -a Daxili İşlər Nazirliyinin Mətbuat Xidmətinin Şəki regional qrupundan məlumat verilib. Qeyd edilib ki, Yevlax rayon sakini, 1991-ci il təvəllüdlü Ramin Mahmudov avqustun 31-də yaşadığı ünvandan çıxaraq bir daha geri qayıtmayıb. Həmin şəxsin tapılması istiqamətində polis əməkdaşları tərəfindən keçirilən axtarış tədbirləri zamanı onun sonuncu dəfə Mingəçevir şəhəri ərazisindən itkin düşdüyü müəyyən edilib. "Ramin Mahmudovun