Azərbaycanda yeni qurum yaradılacaq

Kateqoriya məlum deyil30.10.2026 11:30

Xəbərləri Google-da birbaşa sfera.az-dan alınGoogle-da sfera.az-a abunə olGoogle axtarışında sfera.az-ı seçilmiş mənbə kimi əlavə edinAbunə ol

0:00 0:00

Azərbaycanda özəl məhkəmə ekspertlərinin fəaliyyətini əlaqələndirəcək və onların hüquqlarını qoruyacaq yeni qurumun yaradılması nəzərdə tutulub.

Sfera.az xəbər verir ki, bu məsələ Milli Məclisin bu gün keçirilən plenar iclasında müzakirəyə çıxarılan “Məhkəmə ekspertizası fəaliyyəti haqqında” qanuna dəyişiklik layihəsində əksini tapıb.

Layihəyə əsasən, Özəl Məhkəmə Ekspertlərinin Palatası məcburi üzvlük əsasında fəaliyyət göstərən, özünüidarəetmə prinsipi ilə idarə olunan qeyri-kommersiya hüquqi şəxsi olacaq. Palatanın əsas məqsədi üzvlərinin hüquq və qanuni mənafelərini qorumaq, onların fəaliyyətini əlaqələndirməkdir. Özəl məhkəmə eksperti Məhkəmə Ekspertlərinin Reyestrinə daxil edildiyi andan Palatanın üzvü hesab olunacaq. Ekspertin fəaliyyətinə xitam verildikdə isə onun üzvlüyü də başa çatacaq. Palatanın idarəetmə qaydaları nizamnamə ilə müəyyənləşdiriləcək. Quruma İdarə Heyətinin sədri, o olmadıqda isə müavini rəhbərlik edəcək. Yeni qurumun maliyyə mənbələri üzvlük haqları, intizam tənbehi kimi tətbiq edilən cərimələrdən daxilolmalar və ianələr olacaq. Palatanın əsas fəaliyyət istiqamətlərinə özəl məhkəmə eksperti olmaq istəyən şəxslərə ixtisas imtahanlarına hazırlıqda metodiki dəstək göstərilməsi, ekspertlərin təlimlərinin təşkili, fəaliyyətlərinin əlaqələndirilməsi və etik davranış kodeksinə əməl olunmasına nəzarət daxildir. Bundan başqa, Palata dövlət qurumlarında özəl məhkəmə ekspertlərini təmsil edəcək, onların hüquq və qanuni mənafelərini müdafiə edəcək. Ekspertlərin qanunvericiliyin tələblərini və ya icra intizamını pozmasına dair kifayət qədər dəlil olduqda isə intizam icraatının başlanması üçün İntizam Komissiyasına təqdimat verə biləcək. Qurumun səlahiyyətlərinə məhkəmə ekspertizası sahəsində qanunvericiliyin təkmilləşdirilməsi ilə bağlı təkliflər vermək, xarici ölkələrin məhkəmə ekspertləri və beynəlxalq təşkilatlarla əməkdaşlıq etmək də daxil olacaq.

Layihənin keçid müddəalarına əsasən, Palata dövlət qeydiyyatına alınanadək onun səlahiyyətlərini müvafiq icra hakimiyyəti orqanının müəyyən etdiyi qurum həyata keçirəcək. Palata Reyestrə daxil edilmiş özəl məhkəmə ekspertləri tərəfindən təsis olunacaq. 2027-ci il iyulun 1-dək ekspertlərin sayı 50 nəfərə çatmasa, təsis yığıncağı Reyestrdəki ekspertlərin azı üçdə ikisinin iştirakı ilə keçiriləcək. Ekspertlərin sayı 50-yə çatdıqdan sonra bir il ərzində Palata təsis edilməzsə, yığıncağı müvafiq icra hakimiyyəti orqanının müəyyən etdiyi qurum çağıracaq. Palata dövlət qeydiyyatına alındıqdan sonra Reyestrə daxil edilmiş bütün özəl məhkəmə ekspertləri onun üzvü hesab olunacaqlar. Qanun layihəsi səsverməyə çıxarılaraq birinci oxunuşda qəbul edilib.

Bəsti Rəfizadə
Sfera.az

Açar sözlər:

PAYLAŞ

Razi Nurullayev: "Bəzən insan öz hüququnun pozulduğunu anlamır"

"Elə insanlar var ki, pulsuz hüquqi yardıma necə müraciət edəcəyini, şikayətini necə hazırlayacağını bilmir. Hətta vətəndaş haqlı olsa belə, hüquqi savadsızlığı və maddi imkansızlığı səbəbindən öz hüquqlarını müdafiə etmək iqtidarında olmur. Peşəkar vəkil xidmətindən istifadə etmək isə hər kəsin imkanları daxilində deyil". Sfera.az xəbər verir ki, bunu deputat Razi Nurullayev Milli Məclisin plenar iclasında “Azərbaycan Respublikasının bəzi qanunlarında dəyişiklik edilməsi haqqında” qanun

Maaşımızı istədiyimiz bankdan ala biləcəyik - Tarix açıqlandı

Gələn il aprelin 1-dən vətəndaşlar maaş hesablarını heç bir əlavə ödəniş etmədən istədikləri banka keçirə biləcəklər. Sfera.az xəbər verir ki, bu barədə hüquqşünas, maliyyə eksperti Əkrəm Həsənov sosial şəbəkə hesabında yazıb. O, Mərkəzi Bankın sədri Taleh Kazımov iqtisadçılarla görüşündə bu barədə məlumat verdiyini açıqlayıb. "Bu, həm istehlakçı hüquqlarını qoruyacaq, həm də bazarda rəqabəti artıraraq faizlərin də enməsinə səbəb ola bilər", - Ə.Həsənov qeyd edib.\\axar.az

Avtomobillərdə kiberhücum riski yaradan əsas boşluq bəlli oldu

Avtomobillərin multimedia sistemləri və internetə qoşulan tətbiqləri kiberhücumlar üçün ciddi risk mənbəyinə çevrilə bilər. Bu boşluqlar şəxsi məlumatların oğurlanmasına, bəzi hallarda isə digər elektron sistemlərin təhlükəsizliyinin pozulmasına səbəb ola bilər. Sfera.az xəbər verir ki, İsveçin Göteborq və Çalmers universitetlərinin alimləri avtomobil proqram təminatında aşkarlanmış 413 təhlükəsizlik boşluğunu təhlil ediblər. Araşdırmaya görə, zəifliklərin 36,2 faizi avtomobillərlə əlaqəli

Küləkli havada bu şəxslər işləməyəcək - YENİLİK

Küləkli hava şəraiti ilə əlaqədar açıq iş yerlərində və həmin ərazilərdəki qurğularda işin dayandırılması, eləcə də işçilərə fasilələrin verilməsi nəzərdə tutulub. Sfera.az xəbər verir ki, bu məsələ Milli Məclisin bugünkü iclasında müzakirəyə çıxarılan Azərbaycan Respublikasının Əmək Məcəlləsinə dəyişiklik layihəsində əksini tapıb. Dəyişikliklə Əmək Məcəlləsinin 233-cü maddəsinə soyuq və isti hava şəraiti ilə yanaşı, küləkli hava da işin dayandırılması üçün əsas olan hallar sırasına əlavə

Xalq artistinin dəfn yeri açıqlandı

Xalq artisti Zaur Rzayev ötən gün dünyasını dəyişib. Sfera.az xəbər verir ki, mərhum müğənninin yaxınları axşam.az-a açıqlamasında bildirib ki, vida mərasimi onun evində yaxınlarının iştirakı ilə keçiriləcək. Z.Rzayev "Qurd qapısı" qəbiristanlığında dəfn olunacaq.