Bu ölkə Avroviziyadan uzaqlaşdırıldı - SƏBƏB
10:53 / 27.03.2021
1343
Belarus Avroviziya yarışmasından diskvalifikasiya edilib.
Avropa Yayım İttifaqı Belarusun təqdim etdiyi mahnının rəqabət qaydalarını pozduğunu əsas gətirərək bu ölkənin builki Avroviziya mahnı yarışmasına qatılmayacağını açıqlayıb.
Sfera.az bildirir ki, Avropa Yayım İttifaqının bu haqda açıqlamasında belə deyilir:
"Təəssüf ki, Belarusiya Milli Dövlət Televiziya və Radio Şirkətinin (BTRC) uzun müddət ərzində etibarlı bir layihə təqdim edə bilməməsi səbəbindən may ayında keçiriləcək 65-ci Avroviziya mahnı yarışmasına qatılmayacaq".
Belarusda Avroviziya üçün milli səviyyəli layihə seçiminin təşkilatçısı İvan Eismont Avropa Yayım İttifaqının verdiyi qərarın siyasi motivli olduğunu bildirib.
"Diskvalifikasiya qərarı siyasi motivlidir. Bizə məktub göndərdilər, orada bəzi meyarların pozulduğu xaricində heç bir şeyə aydınlıq gətirilmədi. Mahnının hansı sözlərində pozuntuların olduğu isə məlum deyil", - deyə İvan Eismont qeyd edib.
İnci
Sfera.az