Britni Spirs məhkəmədə atası ilə bağlı dəhşətli ittihamlar səsləndirdi
16:04 / 24.06.2021
1487
Amerikalı ulduz Britni Spirs atası ilə bağlı məhkəmədə ilk dəfə danışıb.
Sfera.az bildirir ki, müğənni 13 ildir ona qəyyumluq edən Ceymi Spirsin bu hüququnu mənfiyə istifadə etdiyini, həyatının hər hissəsinə nəzarət etdiyini deyib. 39 yaşlı Britni atasını daha çox uşaq sahibi olmaqla bağlı onu əngəlləməkdə və istəmədiyi halda dərman atmağa məcbur etməkdə ittiham edib.
Los Ancelesdə keçirilən məhkəmədə telefonla video görüntülü iştirakı təmin edilən müğənni yaşadığı travmalardan və günlərlə ağladığından söz açıb. O, hakimə müraciət edərək "həyatımı geri istəyirəm” deyib. "Bu qəyyumluğu hazırkı vəziyyətimə rəğmən dayandırmaq istəyirəm. Həyatımı yaşamağa haqqım var. Ömrüm boyu çalışdım, indi də 2-3 il fasilə etməyə layiqəm” , deyə Spirs qeyd edib. O, həmçinin sevgilisi ilə evlənmək, uşaq sahibi olmaq istədiyini, lakin qəyyumluq məsələsinin buna mane olduğunu söyləyib.
Spirsin ifadəsinə görə, atasının qəyyumluğu ona ciddi ziyan vurub: "Xoşbəxt deyiləm, yata bilmirəm. Çox əsəbiyəm və hər gün ağlayıram”.
Qeyd edək ki, Ceymi Spirs 2008-ci ildə məhkəmə qərarı ilə psixoloji problem yaşayan və xəstəxanaya yerləşdirilən Britninin qəyyumluğunu almışdı. 2019-cu ildə Ceymi səhhətində olan problemlərə görə qəyyumluqdan imtina etmişdi, lakin bu müvəqqəti idi. Britni Spirs hazırda qəyyumluğunun həmişəlik köməkçisi Codi Montqomerə verilməsini tələb edir.
Türkan
Sfera.az