Yəməndə vəbadan 5 adam həyatını itirdi
09:50 / 16.01.2019
1694
Yəmənin cənubundakı Lahic şəhərində son üç gün ərzində 5 nəfər vəba səbəbindən həyatını itirib. Səhiyyə Nazirliyinə bağlı Epidemioloji Monitorinq və Müdaxilə Qrupunun hazırladığı hesabata əsasən, Lahicin Yafi rayonunda 13 yanvardan bu yana vəba səbəbindən 3 kişi və 2 qadın vəfat edib.
Rayonda aparılan yoxlamalarda 44 nəfərdə şübhəli hal aşkar edildiyi, bu adamlara müalicə tətbiq olunduğu qeyd edilib. Səudiyyə Ərəbistanı rəhbərliyi altındakı koalisiya qüvvələrinin dəstəklədiyi Prezident Abdurabbu Mansur Hadi qüvvələri ilə husilər arasında şiddətli qarşıdurmalara səhnə olan Yəmən vəbayla yanaşı, difteriya kimi yoluxucu xəstəliklərlə mübarizə aparır.