Cəmİyyət

"Xidməti maşınlara qiymət məhdudiyyəti qoyulmalıdır"

"Mənəvi baxımdan onun belə bir addım atmağa haqqı yox idi”
Sfera.az-a açıqlamasında bu sözləri Kəlbəcər Rayon İcra Hakimiyyəti başçısının xidməti istifadə üçün 250 min manata başa gələn bahalı avtomobil sifariş verməsinə münasibət bildirərkən iqtisadçı ekspert Natiq Cəfərli deyib: "Burada mənəvi məsələ də var. İşğal altında olan bir rayon icra hakimiyyəti başçısının belə bahalı avtomobil üçün satınalma tenderi élan etməsi mənəvi cəhətdən də ciddi sual və problemlər doğurur. Çünki həmin rayon əhalisi məcburi köçkün şəraitində yaşayır. Bu mənada icra hakimiyyətinin əlavə vəsaiti varsa, həmin vəsaiti məcburi köçkünlərin həyat şəraitinin yaxşılaşması istiqamətində müəyyən layihələrə xərcləyə bilərdi. Ona görə də bu məsələ büdcəyə əlavə mənasız yerə zərər vurmaqla yanaşı, ciddi bir mənəvi problem də yaradır. Həmin səbəbdən mənəvi baxımdan da Kəlbəcər icra hakimiyyəti başçısının belə bir addım atmağa haqqı yox idi”.
Həmsöhbətimiz təəssüflə qeyd etdi ki, məmurların bahalı xidməti maşınlardan istifadə etməsinə qadağa yoxdur: "Məmurların xidməti avtomobillərdən istifadə zamanı satınalmalarda bahalı avtomobillərdən yararlanmalarına gəldikdə, qanunla təəssüf ki, buna qadağa yoxdur. Bir çox ölkələrdə bu istiqamətdə məmurlara müəyyən məhdudiyyətlər qoyulub. Hətta Rusiyada bir neçə ildir ki, məmurların ölkə daxilində istehsal edilən avtomobilləri almasının öncüllüyü məsələsi gündəmdədir. Bu nöqteyi-nəzərdən təbii ki, Azərbaycanda da belə məhdudiyyətlərin qoyulması ilə bağlı qanunverici dəyişikliklərə ehtiyac vardır. Azərbaycan avtomobil istehsal etməsədə, xidməti avtomobil alınarkən qiymətlə bağlı məhdudiyyətlər qoyula bilər. Azərbaycanda məmurların ranqa uyğun olaraq qiymət baxımından hansı maksimal həddə avtomobil almaqla bağlı qanunvericilik baxımından məhdudiyyət tətbiq etmək olar. Yalnız bu halda, məmurlar da xidmət zamanı istifadə üçün bahalı avtomobil almağa meyllənməzlər”. Qeyd edək ki, Kəlbəcər Rayon İcra Hakimiyyəti başçısı Aqil Məmmədov xidməti istifadə üçün "Mercedes Benz S 350” markalı yeni avtomobil almağa qərar verib və bununla bağlı açıq tender elan edib. Onu da vurğulayaq ki, icra başçısının istədiyi həmin markalı avtomobilin qiyməti 250 min manata yaxındır.
ELÇİN

XƏBƏR LENTİ

«    İyul 2019    »
B.eÇ.aÇC.aC.Ş.B
1234567
891011121314
15161718192021
22232425262728
293031