İdman

Ronaldudan yeni rekord

Ronaldudan yeni rekord

İtaliyanın "Yuventus" klubunun futbolçusu Kristianu Ronaldu Çempionlar Liqasında daha bir rekorda şərik olub.

Sfera.az komanda.az-a istinadən xəbər verir ki, portuqaliyalı hücumçu "Lokomotiv"lə Rusiya paytaxtı Moskvadakı matçda meydana çıxmaqla avrokuboklarda 174-cü oyununu keçirib.

Bununla da Ronaldu qitəmiqyaslı klub turnirlərində ən çox qarşılaşma keçirən sahə oyunçusu Paolo Maldiniyə çatıb. "Milan"ın sabiq müdafiəçisi də 174 avrokubok matçının iştirakçısı olub.

Matç sayında bu iki futbolçu yalnız qapıçı İker Kasilyasdan geri qalır. İspan qolkiperin hesabında 188 qarşılaşma var.

 

Qeyd edək ki, Ronaldu dörd klubun - "Sportinq", "Mançester Yunayted", "Real" və "Yuventus"un heyətində üç turnirdə oynayıb. O, Çempionlar Liqası, UEFA kuboku və UEFA Superkuboku həyəcanı yaşayıb.

XƏBƏR LENTİ

«    Noyabr 2019    »
B.eÇ.aÇC.aC.Ş.B
 123
45678910
11121314151617
18192021222324
252627282930