Uels millisinin baş məşqçisi Rayan Giqqz bu gün "Qarabağ"ın ev oyunlarını keçirdiyi Tofiq Bəhramov adına Respublika stadionunda olub.

Sfera.az Ağdam təmsilçisinin rəsmi saytına istinadən xəbər verir ki, 47 yaşlı mütəxəssis daha sonra isə klubun bazasını və "Azərsun Arena"nı ziyarət edib.

Baş menecer Asif Əsgərov tərəfindən "Mançester Yunayted"in əfsanəsinə üzərində adı yazılmış "Qarabağ" forması hədiyyə olunub. Giqqz sonda komandanın baş məşqçisi Qurban Qurbanovla da görüşüb və qısa fikir mübadiləsi aparıb.