N.Paşayevin sözlərinə görə vaqonların xidmət müddəti 31 il təşkil edir. Yeni vaqonların ilk olaraq bu ilin martında Bakıya gətirilməsi nəzərdə tutulub. Bildirilib ki, hər biri 5 vaqondan ibarət qatarlar 4-cü nəsil texnologiyalıdır. Bu qatarların əsas üstünlüyü isə kondisionerli olmasındadır. Mətbuat xidmətinin rəhbəri Nəsimi Paşayev bildirib ki, bu qatarlarda da vaqonlararasında keçid olacaq:

 

 

"Yeni qatarlar ən son istismara verilən qatarlardan daha yüksək keyfiyyətlərə cavab verir”.

 

Hər zaman "Bakı Metropoliteni” Qapalı Səhmdar Cəmiyyəti tərəfindən sərnişindaşınma xərclərinin əslində kifayət qədər az olduğu bildirilib. Yəni, hər sərnişinin gediş haqqısı təxminən 50 qəpik civarındadır. Buna baxmayaraq metroda gediş haqqı artmayıb. Maraqlıdır, yeni qatarların gətirilməsi metropolitenin daha da zərərlə işləməsinə səbəb olmayacaqmı:

 

"Ehtiyac olduğu halda yeni qatarlar gətirilir. Bunun sərnişindaşıma xərclərinə heç bir aidiyyəti yoxdur. Bu il cəmi 2 yeni qatar gətiriləcək”.

 

Aydan Lətifova