Koalisiya qüvvәlәri Deyrizoru bombaladı, 20 mülki vәtәndaş öldü
12:07 / 19.01.2019
1503
Amerika Birlәşmiş Ştatlarının rәhbәrliyindәki beynәlxalq koalisiya qüvvәlәrinin Suriyanın Deyrizor şәhәrinә endirdiyi zәrbәlәr nәticәsindә 20 mülki vәtәndaş hәlak olub.
Bu barәdә Deyrizordakı yerli mәnbәlәr mәlumat yayıb. Deyrizorun Şüse rayonunda DEAŞ-la YPG/PKK arasında davam edәn toqquşmalar sәbәbindәn bölgәdәn qaçan 20 mülki vәtәndaş ABŞ rәhbәrliyindәki koalisiya qüvvәlәrinin endirdiyi zәrbәlәr nәticәsindә hәlak olub.
Terror tәşkilatı YPG/PKK ABŞ-ın dәstәyi ilә Fәrat çayının şәrqindәki Deyrizor şәhәrinin şәrq, qәrb vә şimalını işğal etmişdi.
ABŞ-ın vә Fransanın dәstәk verdiyi YPG/PKK terrorçuları 2018-ci ilin 11 sentyabr tarixindә Deyrizoru DEAŞ-dan tәmizlәmәk üçün hücumlar keçirmәyә başlamışdı.
YPG/PKK terrorçuları DEAŞ-ın Deyrizordakı son qalası olan Heccin qәsәbәsini işğal etmişdi.
2018-ci ilin 26 dekabr tarixindә isә Buhatir bölgәsi terror tәşkilatı YPG/PKK-nın nәzarәtinә keçmişdi.
Terror tәşkilatı DEAŞ Deyrizorun şәrqindәki iki bölgәdә öz mövcudluğunu davam etdirir.
Qeyd edәk ki, Fәrat çayının qәrbindәki bölgәdә isә Bәşәr Әsәdә sadiq qüvvәlәr var.
Suriya әrazisinin tәxminәn üçdә bir hissәsi terror tәşkilatı YPG/PKK-nın işğalı altındadır.