\"Həmin gün axşama kimi birlikdə olmuşuq\" - Şöbə müdirinin intiharı ilə bağlı Nərimanov RİH-dən açıqlama
11:27 / 16.12.2019
2770
Məlum olduğu kimi, Nərimanov rayon İcra Hakimiyyətinin ərazi idarəetmə və yerli özünüidarəetmə orqanları ilə iş şöbəsinin müdiri Əlizadə Elmar Şamil oğlu özünü asaraq intihar edib.
İlkin məlumata görə, E.Əlizadənin intihar etməsinin səbəbi bilinmir. Mərhum dünən Yasamal qəbirstanlığında dəfn edilib.
Hadisə mərhumun ad günündə baş verib. Belə ki, E.Əlizadə yaxınları ilə doğum gününü qeyd etdikdən sonra, naməlum səbəblərdən yaşadığı evdə özünü asaraq intihar edib.
Nərimanov rayon İcra Hakimiyyətinin İnformasiya təminatı və təhlil sektorunun müdiri İlkin Əsədov Sfera.az-a açıqlamasında bildirib ki, baş vermiş faciəvi olayın Elmir Əlizadənin xidməti işi ilə heç bir əlaqəsi yoxdur: "Əlizadə Elmar Şamil oğlu bizim nümunəvi əməkdaşımız olub. İntiharın baş verdiyi gün axşama kimi onunla birlikdə olmuşam. Həmin gün Elmar Əlizadənin doğum günü idi, evə gedib və bildiyimiz kimi elə evində də özünü asıb. İntiharın səbəbinə gəlincə, bu onun şəxsi həyatı ilə bağlıdır, bildiyimizə görə ailəsində hansısa problemlər vardı".
Selcan
Sfera.az
