""Bakcell” öz abunəçilərinə təqdim etdiyi xidmətlərin keyfiyyətini artırmaq üçün əlindən gələni edir, çünki abunəçilərimiz bizdən mükəmməl əhatə dairəsi və ən yaxşı mobil internet sürəti gözləyir. Mən şadam ki, bu istiqamətdə gördüyümüz işlər növbəti dəfə Ookla tərəfindən yüksək qiymətləndirilib və "Bakcell” şəbəkəsinin Azərbaycanda ən sürətli olması bir daha da təsdiq olunub. "Bakcell” öz abunəçilərini bütün ölkə ərazisində yüksək keyfiyyətli video izləmək və yaxud sosial şəbəkələrdən istifadə etmək kimi müasir mobil telekommunikasiya xidmətləri ilə təmin etməkdən məmnunluq duyur. Mən bu mükafatı Azərbaycanın ən üstün mobil şəbəkəsini abunəçilərimiz üçün daha da yaxşı etmək öhdəliyi kimi qəbul edirəm və söz verirəm ki, bu istiqamətdə daha böyük səylə çalışacağıq”, - deyə "Bakcell”in baş icraçı direktoru Rainer Ratgeber bildirib.

"Bakcell” artıq üçüncü dəfədir ki, Azərbaycanın ən sürətli mobil şəbəkəsi adına layiq görülür.

"Hər gün "Speedtest” üzərindən aparılan milyonlarla sınaq sayəsində "Ookla” bütün dünya üzrə internet nəticələri barədə dəqiq və ətraflı məlumatlara malikdir. Ciddi araşdırma və təhlilimizə əsaslanaraq, biz böyük məmnuniyyətlə təsdiq edirik ki, "Bakcell” Azərbaycanın ən sürətli mobil şəbəkəsidir. Bu mükafat "Bakcell” abunəçilərinin 2019-cu ilin I və II rübü ərzində əldə etdiyi xüsusi xidmət keyfiyyətinin bariz göstəricisidir” deyə, "Ookla”nın icraçı vitse-prezidenti Cemi Stiven bildirib.

"Bakcell” şəbəkəsini və göstərilən xidmətlərin keyfiyyətini daha da təkmilləşdirərək bundan sonra da abunəçilərini yüksək keyfiyyəti istifadəçi təcrübəsi ilə təmin edəcək.