Azərbaycan Dövlət Neft və Sənaye Universitetinin magistr pilləsində təhsil alan tələbələrin işləyə bilməsi üçün tədris saatlarında dəyişiklik edilib.Publika.az xəbər verir ki, bunu universitetin rektoru Mustafa Babanlı bu gün keçirilən “Media və təhsil dialoqu: peşəkarlığın inkişafı” mövzusunda keçirilən tədbirdə çıxışı zamanı deyib.O, bu məsələdə onlara Təhsil Nazirliyinin dəstək göstərdiyini vurğulayıb.“Bilirsiniz ki, ali məktəbin magistr pilləsində təhsil alan tələbələr işlədiyinə görə müəyyən problemlər yaşayırdılar. Bununla bağlı Təhsil Nazirliyinə müraciət etdik. Bu təklifimiz qəbul edildi. Artıq magistrlar axşam növbəsində təhsil alırlar. Bu tələbələr gündüz işləyir, axşam isə təhsil ala bilirlər. Bizim məqsədimiz insanlara problem yaratmaq deyil. Bu mənada, gələcəkdə tələbələrin problemlərinin həlli istiqamətində tədbirlər görüləcək”.