"İmtahan nəticələrinin emalı başlanılıb"- Məleykə Abbaszadə
"Dünən 30 mindən çox insan I-IV qrup imtahanında iştirak edib. Bununla biz kütləvi imtahanların keçirilməsini yekunlaşdırırıq".
Sfera.az xəbər verir ki, bunu Dövlət İmtahan Mərkəzinin sədri Məleykə Abbaszadə, Dövlət İmtahan Mərkəzində ötən il – 2024-cü ildə keçirilən ali təhsil müəssisələrinin bakalavriat səviyyəsinə tələbə qəbulu imtahanlarının nəticələrinin elmi-statistik təhlili ilə bağlı təşkil olunmuş müzakirələrdə deyib:
"Hal-hazırda dünən keçirilmiş imtahanların nəticələrinin emalı başlanılıb. Emal prosesi qapalı şəkildə aparılır. Ekspertlər və markerlər ev şəraitində yoxlama işlərini həyata keçirirlər. Dövlət İmtahan Mərkəzi apardığı bütün işləri əvvəlcədən hazırlanmış alqoritmlər əsasında həyata keçirir".
O bildirib ki, 1994-cü ildən etibarən hər imtahanın nəticələri üzrə statistik təhlillər aparılır, gözlənilən səhvlər və digər göstəricilər nəzərdən keçirilir. Təhlil çox vacib mərhələdir.
Fidan Hacızadə
Sfera.az
