"COP29-un Bakıda keçirilməsi Azərbaycana olan marağı əsaslı şəkildə artırıb" - Nazir
"COP29-un Bakıda keçirilməsi Azərbaycana olan marağı əsaslı şəkildə artırıb".
Sfera.az xəbər verir ki, bunu elm və təhsil naziri Emin Əmrullayev bu gün keçirilən “Yaşıl artım gündəliyində təhsil” mövzusunda konfransda deyib.
"Cənab Prezidentin təşəbbüsü ilə keçiriləcək bu qlobal tədbir həm də ölkənin nüfuzunun dəyişməsinə, yeni imkanlar yaranmasına gətirib çıxarıb. Bu imkanlardan necə yararlanmaq da bizdən asılı olacaq. Biz elə məsələlərə diqqət yönəltməliyik ki, təhsil sisteminə dayanıqlı müsbət təsir göstərsin", - nazir bildirib.
E.Əmrullayev qeyd edib ki, ətraf mühit savadlılığının ölçülməsinin nədən ibarət olduğu müəyyən edilməlidir:
"Bu da müxtəlif təhsil sistemində qarşılaşdırılmalıdır. Bu prosesin həm də praktik olaraq ölçülməsi vacibdir. Hazırda 26-cı il PİSA-sında 96 dövlət iştirak edir. Bu bizə eyni anda bir çox məsələləri anlamaq üçün məlumat verəcək. Külli miqdarda faydalı məlumatın toplanması məktəblərə də müsbət təsir edəcək. Karbon tullantıları heç də hər ölkədə eyni cür deyil. Bu dünyanın müxtəlif qərar verən qurumlarına, universitetlərə kifayət qədər töhfə verəcək".
Firuzə Əliyeva
