“Gün gələcək, sosial iş ixtisasına qəbul olmaq üçün növbə olacaq”.

Bunu Sfera.az-a açıqlamasında təhsil eksperti Ramin Nurəliyev deyib.

O bildirib ki, III qrupda hüquq, dövlət və ictimai münasibətlər, beynəlxalq münasibətlər kimi ixtisaslara qəbul ola bilməyən və müəllimlik ixtisaslarını sevməyən abituriyentlər daha çox sosial iş ixtisasına müraciət edir. 

Ekspert qeyd edib ki, bu ixtisasın iş imkanları barədə ictimaiyyətdə bir sıra yanlış fikirlər formalaşdırılıb. İş imkanları hazırda o qədər geniş olmasa da, gələcəkdə bu dəyişə bilər. 

R.Nurəliyev sözügedən ixtisası bitirənlərə 3 tövsiyəsi olduğunu deyib:

1. İxtisasını mükəmməl öyrənsin.
2. Sosial sahədə təcrübə keçsin.
3. Dövlət qulluğuna müraciət etsin.

Ekspert sosial iş ixtisası üzrə təhsilini başa vuranların iş imkanları barədə də məlumat verib. Belə ki, onlar aşağıdakı yerlərdə fəaliyyət göstərə bilərlər:

1.Dövlət qulluğu imtahanı verərsə, dövlət qurumlarında.
2. Asan xidmət
3. DSMF
4. DOST xidməti
5. İctimai birliklər
6. QHT Agentliyi
7. Sosial platformalarda
8. Hər hansı bir idarə və təşkilatın ictimai əlaqələr və məsləhətçi vəzifələrində.
9. Məşhurların sosial platformalarınin idarəçiləri.
10. Sosial menecerlər və s.

Firuzə Əliyeva