2024-cü ildə sertifikatlaşdırılma prosesinə bu müəllimlər CƏLB EDİLƏCƏK
![2024-cü ildə sertifikatlaşdırılma prosesinə bu müəllimlər CƏLB EDİLƏCƏK](https://sfera.az/photo/orginal/2024/02/29/1709208587_muellim1.jpeg)
“2024-cü ildə əlavə olaraq 25-30 min təhsilverən üçün sertifikatlaşdırılma prosesi keçiriləcək”.
Sfera.az xəbər verir ki, bunu bu gün keçirilən brifinqdə elm və təhsil naziri Emin Əmrullayev deyib.
Nazir qeyd edib ki, prosesə riyaziyyat, Azərbaycan dili (rus bölməsi) və xarici dil fənlərini tədris edən müəllimlər cəlb ediləcək.
Emin Əmrullayev əlavə edib ki, bu günədək ölkə üzrə 140 min təhsilverənin 40 min nəfəri sertifikatlaşdırılma prosesinə cəlb olunub. Sertifikatlaşdırılma nəticələrinə əsasən, 24 min təhsilverənin əməkhaqqına 10 faiz, 8 min təhsilverənin əməkhaqqına isə 35 faiz əlavə edilib.
2026-ci ilə qədər sertifikatlaşdırılma çərçivəsində müəllimlərin əməkhaqlarına əlavələr üçün büdcədə ümumilikdə 500 milyon manat vəsaitin ayrılması nəzərdə tutulub.
Firuzə Əliyeva