Məktəblərdə həftəlik dərs saatlarının ümumi miqdarı müəyyən edildi
Təhsil
21:00 / 30.09.2020
3284
Ümumi təhsilin səviyyələri üzrə həftəlik dərs və dərsdənkənar məşğələ saatlarının ümumi miqdarı müəyyən olunub.
Sfera.az xəbər verir ki, bu barədə məlumat Nazirlər Kabinetinin yeni redaksiyada təsdiq etdiyi "Ümumi təhsil pilləsinin dövlət standartı və proqramları (kurikulumları)”nda əksini tapıb.
Qərara əsasən, ümumi təhsilin səviyyələri üzrə həftəlik dərs və dərsdənkənar məşğələ saatlarının ümumi miqdarı aşağıdakı kimdir:
|
Tədris dilləri |
Məktəbə hazırlıq |
İbtidai təhsil səviyyəsi, I-IV siniflər |
Ümumi orta təhsil səviyyəsi, V-IX siniflər |
Tam orta təhsil səviyyəsi, X-XI siniflər |
Yekun, I-XI siniflər |
|
Azərbaycan dili |
12 |
99 |
164 |
74 |
337 |
|
Digər dillər |
12 |
107 |
174 |
78 |
359
|
Qərara əsasən, dərsdənkənar məşğələ saatlarının miqdarı həftəlik saatların maksimal miqdarının 20 faizindən çox ola bilməz.
-Zəruri hallarda dərsdənkənar məşğələ saatlarından fənnin (fənlərin) tədrisinə ayrıla bilər.
-Məktəbəhazırlıqda 1 məşğələ saatı 30 dəqiqədir.
-Ümumi təhsil müəssisələrində siniflər şagirdlərin sayı 20 nəfərdən az olmamaqla təşkil edilir. Təmayül sinifləri şagirdlərin sayı 15 nəfərdən az və 20 nəfərdən çox olmamaqla komplektləşdirilir.
- Ümumi təhsil müəssisəsi üzrə bir sinifdə şagirdlərin ümumi sayı 20 nəfərə çatmadıqda, mövcud şagird sayı ilə sinif təşkil olunmasına yol verilir.
-Eyni bir sinifdə şagirdlərin sayı 30 nəfərdən çox olduqda və ya şagirdlərin bir sinifdə tədrisinə sinif otağının ölçüsü imkan vermədikdə, həmin sinif üzrə ikinci paralel sinif təşkil edilir.
-Tədris ilinin birinci yarısında hər hansı bir səbəbdən siniflərdə şagirdlərin sayı 3 nəfərdən çox azaldıqda və ya artdıqda, siniflər bu dövlət standartlarının müvafiq olaraq yuxarıda qeyd edilmiş say hədlərində birləşdirilir və ya paralel sinif təşkil edilir.
