Venesuela ilə ABŞ arasında neft müqaviləsi 25 il müddətinə qüvvədə olacaq

Venesuelanın müvəqqəti prezidenti Delsi Rodrigez bildirib ki, ABŞ ilə əldə edilən neft razılaşmasının 25 il müddətinə qüvvədə olacağı məsələsi gündəmdədir.

Sfera.az xəbər verir ki, Rodrigez bildirib ki, gündəlik neft hasilatını 1,5 milyon bareldən çox artırmağı hədəfləyirlər. O deyib ki, istehsal olunan və satılan hər bir barel üçün təxminən 19 dollar birbaşa ölkəyə daxil olacaq. Rodrigez bildirib ki, bir barel 65 dollar qiymətinə hesablanarsa, ölkə müqavilədən 209 milyard 335 milyon dollar qazanacaq.

Rodrigez layihənin ölkənin şərqində və mərkəzi şərqində 55.000 kvadrat kilometrdən çox ərazini əhatə edən Orinoko Neft Kəmərindəki səkkiz xam neft yatağında işlənmələri əhatə etdiyini və minimum 16 faiz güzəşt haqqı və 34 faiz gəlir vergisi dərəcəsinin nəzərdə tutulduğunu bildirib və əlavə edib ki, bu şərtlər Venesuelanın iqtisadi dirçəlişini sürətləndirəcək.

ABŞ Prezidenti Donald Tramp və ABŞ Dövlət Katibi Marko Rubioya təşəkkür edən Rodrigez, razılaşmanın "əllərindən gələn ən yaxşı töhfəni verdiyini" söyləyib:

"Venesuelanın öz resursları üzərində mülkiyyətini və suverenliyini qoruduğu tamamilə aydın olmalıdır".

ABŞ prezidenti Tramp Venesuela ilə "dünya tarixinin ən böyük neft razılaşmasına" nail olduqlarını və Venesuelanın 65 milyard bareldən çox neft ehtiyatının böyük bir hissəsinə nəzarəti ələ keçirdiklərini bildirib. Tramp, sosial mediada verdiyi açıqlamada ABŞ-nin dövlət katibi Marko Rubio və müdafiə naziri Pit Heqsetin bu məsələ ilə bağlı Venesuelanın müvəqqəti prezidenti Rodrigez ilə sıx əməkdaşlıq etdiyini qeyd edib.

İradə Elsevər

Sfera.az