Makron: "Əgər Avropa zəiflik göstərsə..."
Fransa Prezidenti Emmanuel Makron Avropa İttifaqı ölkələrinin Rusiya ballistik raketlərinin əməliyyat məsafəsi daxilində olmasından narahatlığını ifadə edib.
Sfera.az xəbər verir ki, Makron deyib ki, Rusiya sualtı qayıqlar, raketlər və tanklar istehsal edir və onları Ukrayna cəbhəsində yerləşdirmək və ya Avropanı qorxutmaq üçün istifadə edə bilər.
Prezident vurğulayıb ki, əgər Avropa zəiflik nümayiş etdirsə, Rusiya bütün silah spektrinə malikdir və bu sistemlərin əhatə dairəsi Avropanı da əhatə edir. Rusiya tərəfi isə bu iddiaları rədd edib. Prezident Vladimir Putin avropalı siyasətçilərin Rusiya ilə potensial müharibə barədə irəli sürdüyü fikirləri əsassız adlandırıb.
Xarici işlər naziri Sergey Lavrov isə BMT Baş Assambleyasının 80-ci sessiyasında çıxış edərək bildirib ki, Rusiya NATO və ya Avropa İttifaqına hücum etmək niyyətində deyil və hazırda da belə planı yoxdur.
Niyaz Hacıyev
Sfera.az
