Ukrayna Prezidenti Volodimir Zelenski ABŞ Prezidenti Donald Trampı ölkəsinə səfərə dəvət edib.

Sfera.az “BBC”yə istinadən xəbər verir ki, o, bu dəvəti Rusiya ilə müharibəyə son qoymaq üçün istənilən razılaşmadan əvvəl irəli sürüb. "CBS" telekanalının “60 dəqiqə” proqramına müsahibəsində Zelenski belə deyib:

“Hər cür qərarlardan, istənilən növ danışıqlardan əvvəl gəlin, insanları, mülki vətəndaşları, döyüşçüləri, xəstəxanaları, kilsələri, uşaqların necə məhv edildiyini görün”.

Müsahibə Rusiyanın Ukraynanın Sumı şəhərinə raket hücumu həyata keçirməsindən əvvəl qeydə alınıb. Həmin hücum nəticəsində ikisi uşaq olmaqla 34 nəfər həyatını itirib, 117 nəfər yaralanıb. Bu, 2025-ci ildə mülki şəxslərə qarşı edilən ən ölümcül hücum sayılır.

Donald Tramp hücumu “dəhşətli” adlandırıb. Onun Ukrayna üzrə xüsusi nümayəndəsi, general-leytenant Kit Kelloq hücumun Rusiyanın ədəb-ərkan xəttini keçdiyini bildirib.

Almaniyanın gözlənilən yeni kansleri Fridrix Merz hücumu “ciddi müharibə cinayəti” adlandıraraq Rusiyanı kəskin tənqid edib:

“Bu, alçaq bir hərəkət idi”, – deyə o, ARD kanalına açıqlamasında bildirib.

İstefa verən kansler Olaf Şolz isə hücumun “Rusiyanın sülhə hazır olmasının nəyə dəyər olduğunu” göstərdiyini söyləyib.

Fransa Prezidenti Emmanuel Makron da Rusiyanı “insan həyatına, beynəlxalq hüquqa və Trampın diplomatik səylərinə məhəl qoymamaqda” ittiham edib.
O həmçinin, Rusiyaya qarşı atəşkəs əldə etmək üçün güclü tədbirlərə ehtiyac olduğunu və Fransanın bu məqsədə çatmaq üçün tərəfdaşları ilə birgə yorulmadan çalışırdığını vurğulayıb.

Avropa Komissiyası rəhbəri Ursula fon der Leyen hücumu “barbarcasına” adlandırıb və vurğulayıb ki, Rusiya beynəlxalq hüququ açıq şəkildə pozur:

“Avropa, Ukraynanın şərtləri əsasında qan tökülənədək ədalətli və davamlı sülh əldə olunana qədər Rusiyaya güclü təzyiq göstərməyə davam edəcək”.

Böyük Britaniyanın baş naziri Ser Keir Starmer də hücumdan dəhşətə gəldiyini bildirib. BMT Baş katibinin sözçüsü Antonio Quterreş isə raket zərbəsinin “beynəlxalq humanitar hüquq çərçivəsində qadağan edildiyini” vurğulayıb və bu hücumların dərhal dayandırılmalı olduğunu deyib.

Rusiyanın Müdafiə Nazirliyi daha əvvəl aprelin 4-də həyata keçirilən raket hücumu ilə bağlı açıqlamasında “bölmə komandirləri və Qərb təlimatçılarının” görüşünün hədəf alındığını bildirsə də, bu iddianı sübut edən heç bir dəlil təqdim olunmayıb.

Rusiya 2022-ci ilin fevralında Ukraynaya genişmiqyaslı işğala başlayandan bəri yüz minlərlə insanın – əksəriyyəti hərbçi olmaqla həyatını itirdiyi və ya yaralandığı təxmin edilir. BMT-nin məlumatına görə, hazırda 7 milyona yaxın ukraynalı qaçqın statusundadır.

Fidan Hacızadə

Zelenski Trampı ölkəsinə dəvət etdi - Dünya liderləri Rusiyanı hədəf alıb...