Avropa Parlamentində baş verən hadisə dünya mediasında səs-küy yaradıb.

Sfera.az bildirir ki, Macarıstanın Baş naziri Viktor Orbanın dünən Avropa Parlamentində keçirdiyi mətbuat konfransı etiraza səbəb olub. Belə ki, Orban ölkəsinin 6 aylıq Avropa Birliyinə (AB) sədrliyi üçün planlarından danışarkən, Macarıstan müxalifət partiyasından Şəhər Şurasının üzvü olduğu deyilən macar siyasətçi onun nitqini kəsib.

“Hörmətli baş nazir, ölkənizi neçəyə satdınız?” sözügedən şəxs qışqırıb. Mühafizəçilərin müdaxiləsi ilə zaldan çıxarılan nümayişçi “Orban Macarıstanı Putinə və Si Cinpinə satdı” deyərək yenidən qışqırıb.

Etirazçı zaldan çıxarıldıqdan sonra mətbuat konfransına davam edən Orban hadisə ilə bağlı açıqlama da verib.

“Macar dilində ünsiyyət olduqca çətindir. Bir macar siyasətçi başqa bir həmkarını “satqın” adlandıranda, bizim dilimizdə bu, “mən sizinlə razı deyiləm” mənasını verir”, -Baş nazir izah edib.

Günay 

//www.youtube.com/watch?v=4FD1O8rThUU