Türkiyə xarici işlər naziri Hakan Fidan "Kurtlar Vadisi" serialından özü haqqında düzəldilən paylaşımlarla bağlı açıqlama verib.

Sfera.az xəbər verir ki, nazir bu barədə Bursada gənclərlə görüşü zamanı danışıb.

O, bu cür zarafatlara öyrəşdiyini və artıq taleyi ilə barışdığını bildirib:

"Mənimlə bağlı bəzi video və fotolar hazırlanır. Xüsusilə, "Kurtlar Vadisi" ilə bağlı paylaşımlar çoxdur. 14 yaşından dövlətin vacib xidmətlərində olanda hər şeylə əlaqələndirilirsən. Mən də artıq öyrəşmişəm. Bu, bizim alın yazımızdır".

Qeyd edək ki, H.Fidanın 1996-cı ildə Susurluq qəzasında həlak olmuş məşhur MİT zabiti (xəfiyyə) Abdullah Çatlı olması ilə bağlı da xeyli video və fotolar hazırlanıb. Həmin paylaşımlarda Fidan və Çatlının bənzərliyi ön plana çəkilib.

Firuzə Əliyeva