Rusiya sülhməramlılarının Qarabağda qalması Milli Məclisdə müzakirəyə çıxarılmalıdır - Politoloq
12:00 / 07.06.2021
2182
"Ermənistanın minalanmış ərazilərin xəritələrini
təqdim etməkdən imtina etməsinin strateji, hüquqi və mənəvi əsasları yoxdur”.
Sfera.az-ın məlumatına görə, bunu siyasi şərhçi
Züriyə Qarayeva deyib. O, Ermənistanın
bu öhdəliyi yerinə yetirməmək səbəbindən söz açıb:
"Onlar Azərbaycan xalqını qorxu içərisində
saxlayaraq xof yaratmaq istəyirlər. O cümlədən bölgədə inteqrasiya və
rekonstruksiya prosesini gecikdirərək Qarabağın dirçəlişinə əngəl olmaq, məğlubiyyətlərini
həzm etməyərək qarşı tərəfdən riyakarcasına qisas almaq kimi səbəblər də bura
daxildir. Ancaq bu əməllər həm də yerli ermənilərin də bölgəyə köç edib birgəyaşayışına
mane olur ki, bu faktın özü bir daha onların sülhə meyilli xalq olmadığını, yad
torpağında olduqları üçün gözlərini qırpmadan talan etdiklərini ortaya qoyur”.
Z.Qarayevanın sözlərinə görə, müharibə bitdikdən
bu günə qədər Qarabağda mina partlayışı nəticəsində dünyasını dəyişən
insanların statistikası və milli mənsubiyyəti də göstərir ki, nəinki ermənilər,
hətta rus sülhməramlıları da minalanmış ərazilərin xəritələrinə sahibdirlər:
"Rusiya "dost" mövqeyini ortaya
qoyaraq, ya əlindəki xəritələri Azərbaycan tərəfinə də təqdim etməlidir, ya da erməniləri
məcbur etməlidir ki, onlar boyunlarının borcu olaraq qalib tərəfə təqdim etsinlər.
Əks halda Milli Məclis sülhməramlıların Qarabağda qalması məsələsinə yenidən
baxmalıdır. Biz yumşaq mövqe nümayiş
etdirdikcə, dövlətçiliyimizə qarşı imperialist güclərin təzyiqinə adekvat sərt
cavab verilmədikcə, erməni-rus tandemi öz mənfur taktikasını davam etdirəcək”.
Günay