Çempionlar Liqasının qrup mərhələsinin son turunda keçirilən "Bayer" - "Yuventus" görüşündən sonra maraqlı hadisə baş verib.

Sfera.az matc.az-a istinadən xəbər verir ki, epizod qonaqların hücumçusu Kriştianu Ronaldunun iştirakı ilə yaşanıb.

Belə ki, oyun bitər-bitməz meydana daxil olan bir azarkeş Ronalduya tərəf qaçaraq, onunla şəkil çəkdirmək istəyib.

Fanatın əvvəlcə onu arxadan çəkməsi Ronaldunu özündən çıxarıb. Nəticədə superulduz nəinki şəkil çəkdirməyib, hətta ona əsəbləşib, narazı halda əllərini yelləyib.

Ardından təhlükəsizlik işçiləri fanatı meydançadan uzaqlaşdırıblar.