DÇ-2022-də 48 komanda?
08:24 / 03.01.2019
2376
2022-ci ildə Qətərdə keçiriləcək dünya çempionatı 32 yox, 48 komandanın iştirakı ilə təşkil oluna bilər. FIFA prezidenti Canni İnfantino bununla bağlı arzusunu 13-cü Dubay Beynəlxalq İdman Konfransında dilə gətirib.
Qurum rəhbəri bəzi matçların Qətər xaricində keçirilməsinin mümkünlüyünü söyləyib:
"2026-cı ildə keçiriləcək mundialda 48 komanda iştirak edəcək. Əgər bu mümkündüsə, niyə də 4 il əvvəl reallaşdırmayaq. Komanda sayını 48-ə yüksəltsək, bütün dünya xoşbəxt olar. Bunu yoxlamalıyıq. Komanda sayı artarsa, bəzi matçların Qətərə qonşu ölkələrdə keçirilməsi mümkündü".