Qadağa başlayır - Hansı avtomobillər Bakıya buraxılmayacaq? - VİDEO
Sabahdan etibarən Bakı qeydiyyatında olmayan avtomobillərin paytaxta girişinə məhdudiyyətlər tətbiq ediləcək. Digər bölgə və şəhərlərdə qeydiyyatda olanlar yalnız gecə saatlarında şəhərə daxil ola bilərlər. Bu qadağa Sumqayıt şəhərindən gələn avtomobillərə də aiddir.
Yol polisi paytaxt Bakıya digər bölgə və şəhərlərdən şəxsi avtomobillərlə gələnlərə xəbərdarlıq edir. Digər şəhər və bölgələrdə qeydiyyatda olanlar səhər saat 7-dən axşam saat 22-yə qədər Bakıya buraxılmayacaq. Bu qadağa Abşeron rayonu və Sumqayıt şəhərində qeydiyyatda olan avtomobillərə də aiddir.
Sabahdan qadağa başlayır
Bu məqsədlə şəhərin müxtəlif hissələrində postlar qurulacaq və şəhərə daxil edilən avtomobillərə nəzarət ediləcək. Digər şəhər və bölgələrdə qeydiyyatda olan avtomobillər şimal və cənub girişində yaradılmış duracaqlarda park edilməlidir.
Kamran Əliyevin sözlərinə görə digər bölgə və şəhərlərdə qeydiyyatda olan maşınlar paytaxta axşam saat 22-dən səhər saat 7-ə qədər daxil ola bilərlər. Şəxsin özü Bakıda, avtomobili isə digər bölgədə qeydiyyatdadırsa, həmin şəxs istədiyi vaxt şəhəri tərk edəndən sonra eyni avtomobil yalnız gecə saatlarında Bakıya geri qayıda bilər.
Bəs günorta saatlarında həmin avtomobillərin hərəkətinə görə hansısa məhdudiyyət və ya cərimə tətbiq edilə bilərmi ?
