Sfera.az xəbər verir ki, iki lider keçən həftə Soçidə görüşmüş və Putin ölkəyə gələn qadın siyasətçilərə hədiyyə etdiyi kimi Merkelə də gül buketi təqdim etmişdi.

"Bild” qəzetinə görə, Putin verdiyi buketlə Merkelə qadın olmasını və yerini bilməsini xatırladıb. 

"Merkelə hədiyyə edilən buketin arxasında bir mesaj vardı. Bu jest nəzakət nümayişi kimi qəbul olundu, ancaq əslində alçaltma mesajı idi. Dünya siyasətçiləri əl sıxmaqla kifayətlənməlidirlər” – qəzet belə yazır.

Alman qəzetinin iddiasına Rusiyanın da cavabı gecikməyib. Dumanın sədr müavini İrina Yarovayanın cavabı belə olub:

"Qadınlara gül vermək əla ənənə və xüsusiyyətdir. Qadın siyasətçi və ya dövlət başçısı olsa da. Bunda alçaldıcı bir şey axtarmaq insanlıq baxımından əskiklik deməkdir. Bu məntiqlə həmkarına "xanım”, ya da "frau” deyə müraciət etmək də alçaltmaqdır”.