Dollardan imtina nə qazandıracaq? - PROQNOZ
11:07 / 19.04.2018
2790
İran ABŞ arasında münasibətlərin gərginləşməsi bu ölkənin dollardan imtina etməsinə səbəb oldu. Ötən gün İran hökuməti dollardan imtina edərək əsas xarici valyuta kimi avrodan istifadə edəcəyini açıqladı.
Bu addımın İran üçün mənfi və müsbət nəticələri nə olacaq?
İqtisadçı-ekspert Natiq Cəfərli Sfera.az-a açıqlamasında bildirib ki, İranın bu addımı müvəqqətidir:
"İranın bu addımını popurist hesab etmək olar. Düşünürəm ki, bir müddət sonra İran bu addımından geri çəkiləcək. İranın bu qərarı Amerika və İran arasında davam edən ziddiyətli münasibətlərlərdən doğrulan bir addımdır. Bu addımın hər hansı iqtisadi əsası da yoxdur. İranın əsas gəliri məhz neftdəndir. Neftin dünya bazarında dəyəri isə dollarla müəyyənləşir. Müqavilələr də dollarla bağlanır. Neftlə bağlı alış-satış müqaviləsində avro göstərilərsə, bu zaman İran əməliyyat xərclərində vəsait itirməli olacaq. Çünki əlində olan vəsaiti avroya keçirtmək, avro ilə əməliyyatı reallaşdırmaq maddi itki ilə nəticələnəcək. İran bir müddət sonra bu qərarın yaratdığı problemləri yaşayacaq. İki ölkə arasında münasibətlər nə zamanssa düzələrsə, İran da qərarında geri addım atacaq”.
N.Cəfərli bunadək bir çox ölkələrin də bənzər qərar veridklərini, lakin bu qərarın doğurduğu çətinliklərdən dolayı ölkələrin bu addımdan geri çəkildiklərini bildirib:
"Üç il bundan öncə Rusiya və Çin də qərar vermişdi ki, yalnız öz valyutaları ilə ticarət edəcək. Bu hadisənin üstündən üç il ötməsinə baxmayaraq, məlum oldu ki, bu müddətdə hər iki ölkə ticarət dövriyyələrinin cəmi 4 faizini öz milli valyutaları hesabına reallaşdırıb. Təcrübədən də göründüyü kimi, bu cür qərarların reallaşması mümkünsüzdür. Azərbaycana gəldikdə isə ölkəmizin xarici ticarətinin 90 faizi neft və neft məhsulları hesabına formalaşıb. Bizim çoxçeşidli iqtisadiyyatımız da yoxdur. Yalnız növbəti ildən etibarən qaz ixracında da artım olacaq. Yəni, bizim də nə vaxtsa bu cür addım atmağımız mənasız olar”.
Nigar Məhərrəm
Sfera.az
