İyulun 26-da Azərbaycanın işğal altında olan Göyçə şəhərində Ermənistanın nəqliyyat nazirinin keçmiş müavini ilə vətəndaşlar arasında toqquşma baş verib.

Sfera.az Publikaz.az-a istinadən xəbər verir ki, keçmiş müavin Valter Marutyan öz mühafizəçisi ilə birləşərək, 22 yaşlı Qrant Avetisyanı döyüb.

Məlumata görə, problem Marutyanın avtomobili ilə Avetisyanın avtomobilinin toqquşmasından sonra başlanıb. Qəza nəticəsində heç kim xəsarət almayıb, avtomobillər də ciddi zərər görməyib.

Toqquşma kiçik olduğu üçün sürücülər avtomobildən düşməyib. Lakin bir gün sonra Marutyan 22 yaşlı Avetisyanı yanına çağırıb. Öz dostu ilə keçmiş məmurun yanına gedən erməni gənc heç bir səbəb göstərilmədən döyülüb, həmçinin, təhqir edilib.

Zərərçəkmişin anası deyir ki, "Marutyan özünü Sevanın (Göyçə) ağası hesab edir".

Ən maraqlısı isə döyülən gənclərin qisası olub. Belə ki, onlar Marutyanın avtomobilinə böyük hərflərlə söyüş yazıblar. Söyüşün əsas ünvanı isə Marutyanın arvadı olub. Lakin söyüşün Avetisyan tərəfindən yazıldığını heç kim sübut edə bilmir.