Daha bir məşhur rus ideoloq Bakıya gəlib

Məşhur rusiyalı yazar Aleksandr Proxanov Bakıya gəlib.

Sfera.az "Haqqin.az” saytına istinadən xəbər verir ki, səfər bir neçə gün davam edəcək. Proxanov Bakıda olduğu müddət ərzində ictimai xadimlərlə və dövlət rəsmiləri ilə görüşəcək.

O, həmçinin, İsmayıllı rayonundakı İvanovka kəndini də ziyarət edəcək.

Qeyd edək ki, Proxanov Tiflisdə anadan olub. O, Rusiyanın əsas ideoloqlarından biri sayılır. Ukrayna bu şəxsi "Novorossiya” layihəsinin əsas ideya müəlliflərindən hesab edir.

Proxanovdan öncə Bakıya digər rusiyalı ideoloq Aleksanr Duqin səfər etmişdi.