Yerimək bu xəstəlikdən qoruyur

Mütəxəssislər gündə 1,5-2 kilometr və nəfəsi yüngül kəsəcək şəkildə yeriməyin Alzheimer riskini yarı-yarıya azaltdığını söylədilər.

Sfera.az deyerler.org-a istinadən bildirir ki,  Alzheimer xəstəliyinin 65 yaş və üzərindəki fərdlərin təxminən 10%-də müşahidə edildiyini ifadə edən ekspertlər bu mövzu barəsində ətraflı məlumat verdilər: "Alzheimer xəstəliyində unutqanlıqdan başqa əlavə qərar verməkdə çətinlik, danışarkən söz tapa bilməmək, insanları tanımamaq, qapanmaq, qəribə davranışlar etmək, tündxasiyyətlik kimi şikayətlər müşahidə edilir. İrəliləyən dövrlərdə xəstə heç bir işini özü görə bilmir və tamamilə başqalarından asılı hala düşür.
Alzheimer xəstəliyinə qarşı bir çox araşdırmalar aparılmışdır. Aparılan son araşdırmalara görə, gündə 1.5-2 kilometr yerimək bu xəstəliyin riskini yarı-yarıya azaldır. Bu isə, olduqca önəmlidir. Bu səbəbdən də, yaş artdıqca insanların daha çox yeriməsi vacibdir".