"Qarabağ" – FKSB oyunu üçün satılan biletlərin sayı bəlli oldu
İdman
18:38 / 22.01.2025
7600
Avropa Liqasının əsas mərhələsinin 7-ci turunda Bakıda keçiriləcək "Qarabağ" - FKSB (Rumıniya) oyununa biletlərin satışı davam edir.
Sfera.az xəbər verir ki, 31 min biletdən 15 minə yaxını artıq satılıb.
Xatırladaq ki, Tofiq Bəhramov adına Respublika stadionunda keçiriləcək oyunun biletlərinin qiyməti müvafiq olaraq 5, 20, 30, 40, 75 və 150 manat təşkil edir.
VIP sektorlara biletlərin qiyməti isə 300 manatdır.
Azarkeşlər biletləri iTicket.az-ın satış məntəqələrindən (onlayn satış), "Qarabağ" FK-nın "Park Bulvar"dakı fan-şopundan və Tofiq Bəhramov adına Respublika stadionunun kassalarından əldə edə bilərlər.
Qeyd edək ki, "Qarabağ" - FCSB oyunu sabah adıçəkilən arenada keçiriləcək və saat 21:45-də başlayacaq.
