Anasının dəfnində Mahsun Kırmızıgülə hörmətsizlik
Xəbər verdiyimiz kimi, türkiyəli müğənni Mahsun Kırmızıgülün anası Faika Bazencir 99 yaşında vəfat edib.
Sfera.az-ın məlumatına görə, bu gün təşkil olunan vida və dəfn prosesində Mahsun çətin anlar yaşayıb. Belə ki, yas mərasiminə gələn bəzi vətəndaşlar anasını son mənzilə yola salmağa çalışan ifaçı ilə selfi çəkdirməyə çalışıblar. Onların bəziləri digər şəxslər tərəfindən oradan uzaqlaşdırılıb. Türk mediası baş verənləri "Anasının dəfnində Mahsun Kırmızıgülə qarşı edilən böyük ayıb. "Selfi xəstələri" Mahsunu rahat buraxmadı" kimi qələmə verib.
Görüntülər həmçinin sosial mediada da yayılaraq tənqid olunub.
Qeyd edək ki, Mahsunun anası Altsheymer xəstəliyindən əziyyət çəkirdi. Sənətçi Bakı konsertində anasının onu tanımamasından danışaraq, göz yazı tökmüşdü.
