Aktyor Ben Afflek və müğənni Cennifer Lopez gizli boşanıb.

Sfera.az xəbər verir ki, bu haqda “Heat Magazine” gizli mənbəyə istinadən bildirib. Bir müddət əvvəl boşanmaq üçün məhkəməyə müraciət edən cütlüyün bu prosesi başa çatdırdığı vurğulanıb.

“Onlar boşanma sənədlərini bir ay əvvəl verdilər və dünyaya xəbər vermək üçün uyğun anı gözləyirlər. Daha sonra onlar bir-birlərini çox sevdiklərini və nikahı xilas etmək üçün mübarizə apardıqlarını, lakin bacarmadıqlarını söyləyən birgə bəyanat yayacaqlar” deyə, mənbə əlavə edib.

İnsayderin sözlərinə görə, Ben və JLo kompromis əldə edə bilməyiblər və əvvəllər aralarında baş verənlər artıq keçib və hər ikisi bunu qəbul ediblər. Bundan əlavə, keçmiş həyat yoldaşları bütün əlaqələri tamamilə kəsiblər: onlar artıq nə üz-üzə, nə də telefonla ünsiyyət qururlar.

Hər kəs çətin günlərini özünəməxsus şəkildə yaşayır: Cennifer şəxsi həyatındakı problemləri səylə gizlətdiyi halda, Ben artıq yeni ev alıb və imicini kəskin şəkildə dəyişib.