Ukrayna qadın məhbusları orduya cəlb etməyə hazırlaşır

"Qadın məhbusların Ukrayna Silahlı Qüvvələrinin sıralarına cəlb edilməsi mümkündür, ölkə qanunvericiliyində bununla bağlı məhdudiyyətlər nəzərdə tutulmur".


Sfera.az xarici mediaya istinadən xəbər verir ki, bunu Ukrayna Ədliyyə Nazirliyinin rəhbəri Denis Malyuska deyib.

"Bizim qanunda onların kişi və ya qadın olması ilə bağlı heç bir məhdudiyyət yoxdur. Nəzəri olaraq, biz bu imkana icazə veririk".

Malyuska əlavə edib ki, Ukrayna həbsxanalarında qadınların sayı azdır, çünki onların həbslə cəzalandırılan cinayətləri törətmə ehtimalı aşağıdır.

Xatırladaq ki, mayın ortalarında Ukrayna Prezidenti Volodimir Zelenski həbsxanada cəza çəkənlərin səfərbər edilməsi haqqında qanun imzalayıb. Əvvəllər Malyuska bu məqsədlər üçün artıq 350 məhbusun azad edildiyini və daha dörd mindən çox məhbusun növbədə olduğunu bildirmişdi.

Ukrayna Ədliyyə Nazirliyinin məlumatına görə, Ukrayna Silahlı Qüvvələri 20 minə qədər məhbus və cinayət keçmişi olan şəxsləri orduya cəlb edə biləcək.

Əzizə