2023-cü ilin yanvar-mart aylarında Azərbaycanda 30,311 milyard manatlıq ümumi daxili məhsul (ÜDM) istehsal edilib. 

Sfera.az Dövlət Statistika Komitəsinə istinadən xəbər verir ki, bu ilin birinci rübündə ÜDM istehsalı real göstəricilərlə müqayisədə 0,4 faiz artıb. 

İqtisadiyyatın neft-qaz sektorunda istehsal 3,9 faiz azalıb, qeyri neft-qaz sektorunda isə 4,9 faiz artıb.

ÜDM istehsalının 47,5 faizi sənaye, 9 faizi ticarət; nəqliyyat vasitələrinin təmiri, 5,4 faizi nəqliyyat və anbar təsərrüfatı, 5 faizi tikinti, 2,6 faizi kənd təsərrüfatı, meşə təsərrüfatı və balıqçılıq, 1,9 faizi turistlərin yerləşdirilməsi və ictimai iaşə, 1,5 faizi informasiya və rabitə sahələrinin, 17,6 faizi digər sahələrin payına düşüb, məhsula və idxala xalis vergilər ÜDM-in 9,5 faizini təşkil edib.

Əhalinin hər nəfərinə düşən ÜDM 2991,2 manata bərabər olub.

Vasif