Ağıllı saat şəkəri də ölçəcək

“Apple” ən çox yayılan məhsullarından olan “Apple Watch”da qan şəkərini ölçmə xüsusiyyətini tətbiq edəcək. 

Sfera.az “Bloomberg”ə istinadən xəbər verir ki, şirkət bununla bağlı ciddi irəliləyişə nail olub. 

“Apple Watch”da tətbiqi nəzərdə tutulan texnologiya diabet xəstələrini və digər şəxsləri iynə ilə qan almadan şəkəri ölməyə imkan verəcək. Yeni texnologiyaya əsasən dərinin altındakı qlükoza konsentrasiyası lazerlə ölçüləcək.

Diabet riski altında olan insanlar üçün bu imkan olduqca əhəmiyyətli hesab edilir. Belə ki, yeni texnologiyanın tətbiqindən sonra şəkər xəstəliyinə tutulma riski olan insanlar öncədən xəbərdar olacaq.

Amma ABŞ ekspertlər isə hesab edir ki, insanlar üçün böyük köməyi olacaq sözügedən texnologiyanın tətbiqinə qısa müddətdə nail olmaq real deyil. 

Vasif